4 րոպեի ընթերցում
ԱՆՈՆՍ
10 սեպտեմբեր, 2024
ՀՀ նախարարություններ
09:30-ից «Seven Visions» (Դվին) համալիրում (Պարոնյան 40) ՀՀ ԱԳՆ նախաձեռնությամբ առաջին անգամ կանցկացվի իր մասշտաբով եզակի «Երևանյան երկխոսություն» միջազգային համաժողովը, որին կմասնակցեն աշխարհի տարբեր երկրներից ժամանած բարձրաստիճան պաշտոնյաներ, փորձագետներ, գիտնականներ և այլ հյուրեր: «Երևանյան երկխոսություն» միջազգային համաժողովին կարելի է հետևել «Դվին» համալիրում գործող մամուլի կենտրոնում՝ ուղիղ հեռարձակմամբ: Մամուլի կենտրոնը հագեցած է տեսաձայնային սարքերով (video box, audio box), որոնք լրագրողներին հնարավորություն կտան հետևել համաժողովի ընթացքին և ունենալ բարձր որակի կադրեր և ձայն: Վերոնշյալ սարքավորումներին միանալու համար խնդրում ենք ձեզ հետ ունենալ անհրաժեշտ տեխնիկական պարագաներ՝ լարեր և այլ սարքավորումներ: Համաժողովի աշխատանքային լեզուն անգլերենն է: Նախապես գրանցվելու պարագայում լրատվամիջոցների ներկայացուցիչները հնարավորություն կունենան հարցազրույցներ անցկացնել միջոցառման մասնակիցների հետ:
Պետական կառույցներ
Ժամը 10:00-ին Երեւանի քաղաքապետարանում կգումարվի Երևան քաղաքի ավագանու 3-րդ նստաշրջանի 1-ին նիստը:
Ժամը 10։00-ից Ազգային ժողովի նիստերի դահլիճում կշարունակվի ԱԺ նիստը։
Ժամը 14:00-ին ՀՀ կենտրոնական բանկում կկայանա ՀՀ ԿԲ նախագահ Մարտին Գալստյանի ասուլիսը՝ վերաֆինանսավորման տոկոսադրույքի վերաբերյալ: Կենտրոնական բանկ գալ ասուլիսից առնվազն 10 րոպե առաջ: Խնդրում ենք ունենալ անձը հաստատող փաստաթուղթ:
Մշակույթ
Ժամը 16:00-ին ՀՀ քաղաքաշինության կոմիտեի Ալ.Թամանյանի անվան ճարտարապետության ազգային թանգարան-ինստիտուտում /մուտքը՝ «Հանրապետության հրապարակ» մետրոյի կայարանի մոտից/ կկայանա «Վրաս ալյուրոտ տեսնելով…» խորագրով ցուցահանդեսի բացումը, որը նվիրված է ճարտարապետ Թորոս Թորամանյանի ծննդյան 160-ամյա հոբելյանին։
Ժամը 19:00-ին Երվանդ Քոչարի թանգարանում կկայանա «Սրճարաններում» խորագրով ցուցահանդեսի պաշտոնական բացումը՝ նվիրված մեր ժամանակի մեծագույն գեղագետների՝ Շառլ Ազնավուրի և Երվանդ Քոչարի ծննդյան 100-ամյա և 125-ամյա հոբելյաններին: Թանգարանի վերափոխված միջավայրում կազմակերպված ցուցադրությունը ներկայացնում է Քոչարի սրճարանային թեմաներով բնօրինակ ստեղծագործություններ և ուղեկցվելու է Ազնավուրի երգերով, երաժշտությամբ, ցիտատներով, անիմացիաներով և այլ նորատիպ էֆեկտներով: Բացման օրը տեղի կունենա նաև «Քոչարի և Ազնավուրի հրաշանաց աշխարհներում» ժողովածուի շնորհանդեսը: Ժողովածուն ներկայացնում է մեծ շանսոնիեի՝ երգեր դարձած բանաստեղծությունների ընտրանի՝ ձևավորված Մաէստրո Քոչարի՝ դրանց համահունչ ստեղծագործությունների վերատպություններով: Ցուցահանդեսը կազմակերպված է ՀՀ կառավարության աջակցությամբ՝ արվեստագետներին նվիրված հոբելյանական միջոցառումների շրջանակում: Միջոցառմանը ներկա կլինեն գերատեսչության ներկայացուցիչներ,Ազնավուր ընտանիքի անդամներ։