Փրկարարները հայտնաբերել են Հաղարծին վանական համալիրի մոտ մոլորված երեք քաղաքացիներին
1 րոպեի ընթերցում
![Փրկարարները հայտնաբերել են Հաղարծին վանական համալիրի մոտ մոլորված երեք քաղաքացիներին](http://armenpress.am/resized/480/storage/images/articles/2024/09/01/agBBaHKfpiedbNcKoMd8HSFYqz7UHtMR4723Qjhl.webp)
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Տավուշի մարզային փրկարարական վարչության ճգնաժամային կառավարման կենտրոնն օգոստոսի 31-ին, ժամը 21:27-ին ահազանգ է ստացել, որ Հաղարծին վանական համալիրի մոտակայքում քաղաքացիները մոլորվել են․ անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ըստ աղբյուրի՝ փրկարարները Հաղարծին վանական համալիրի մոտակայքում հայտնաբերել են Հ․ Բ․-ին (ծնված 2001 թ.), Ռ․ Մ․-ին (ծնված 2002 թ.) և Վ․ Ո․-ին (ծնված 2000 թ.) և ուղեկցել Դիլիջան քաղաք։