Իրինա Շախնազարյանն ընտրվել է Հանրային հեռարձակողի խորհրդի անդամ
1 րոպեի ընթերցում
![Իրինա Շախնազարյանն ընտրվել է Հանրային հեռարձակողի խորհրդի անդամ](http://armenpress.am/resized/480/storage/images/articles/2024/08/16/8VSe8K3X2InhdYdV4GsXsvSS57glmwU1VXTfBbBG.webp)
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 16-ին կայացել է Հանրային հեռարձակողի խորհրդի անդամի թափուր տեղի համալրման մրցութային ժամանակավոր հանձնաժողովի նիստը, որին մասնակցում էին հանձնաժողովի հինգ անդամները՝ Արա Խզմալյանը (մրցութային հանձնաժողովի նախագահ), Սառա Նալբանդյանը, Սերոբ Խաչատրյանը, Արքմենիկ Նիկողոսյանը և Գրիգոր Խաչատրյանը։
«Արմենպրես»-ի փոխանցմամբ՝ Հանրային հեռարձակողի խորհրդի անդամի թափուր տեղի համար հայտ էին ներկայացրել յոթ թեկնածու՝ Էլմիրա Արսենյանը,Քնարիկ Առաքելյանը, Զառա Արամյանը, Իրինա Շախնազարյանը, Օֆելյա Ասատրյանը, Մարգարիտա Մինասյանը, Նունե Էլմասյանը։
ՀՀ հեռուստատեսության և ռադիոյի հանձնաժողովից հայտնում են, որ Մրցութային հանձնաժողովի քվեարկության արդյունքում Իրինա Շախնազարյանը 4 (չորս) կողմ, 1 (մեկ) դեմ ձայնով ընտրվել է Հանրային հեռարձակողի խորհրդի անդամ:
«Տեսալսողական մեդիայի մասին» օրենքով սահմանված կարգով հաղթող մասնակցի մասին որոշումը կներկայացվի ՀՀ վարչապետի հաստատմանը: