Դիլիջանում բախված ավտոմեքենաներից մեկի վարորդը տեղափոխվել է հիվանդանոց
1 րոպեի ընթերցում
![Դիլիջանում բախված ավտոմեքենաներից մեկի վարորդը տեղափոխվել է հիվանդանոց](http://armenpress.am/resized/480/storage/images/articles/2024/08/16/rMCEZFKymMLGiuWKb15PhyTRekYjO0IeXj0e1iMs.webp)
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Տավուշի մարզային փրկարարական վարչության ճգնաժամային կառավարման կենտրոնն oգոստոսի 16-ին, ժամը 16։55-ին ահազանգ է ստացել, որ Դիլիջան քաղաքից դեպի ոլորաններ տանող ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ըստ աղբյուրի՝ պարզվել է, որ Դիլիջան քաղաքի Թբիլիսյան խճուղում բախվել են «Nissan» (վարորդ՝ Ա․ Ա․, ծնված 1995 թ.) և «Volkswagen» (վարորդ՝ Գ․ Հ․, ծնված 1998 թ.) մակնիշների ավտոմեքենաները:
Մինչ փրկարարների կանչի վայր հասնելը՝ «Nissan» մակնիշի ավտոմեքենայի վարորդը հոսպիտալացվել է բժշկական կենտրոն:
Նշվում է, որ փրկարարները հոսանքազրկել են ավտոմեքենաները, փակել գազի բալոնների փականները և սահմանազատել տարածքը: