1 րոպեի ընթերցում
Արսեն Հարությունյան
ՓԱՐԻԶ, 8 ՕԳՈՍՏՈՍԻ, ԱՐՄԵՆՊՐԵՍ: Հայաստանի օլիմպիական հավաքականի անդամ, ազատ ոճային ըմբիշ Արսեն Հարությունյանը պարտություն կրեց քառորդ եզրափակիչում:
«Արմենպրես»-ի թղթակցի հաղորդմամբ` Փարիզի «Champ-de-Mars Arena»-ում կայացած ազատ ոճի ըմբշամարտի 57 կգ քաշայինների քառորդ եզրափակչում Արսեն Հարությունյանը մրցեց Ուզբեկստանից Գուլոմջոն Աբդուլաևի հետ:
Հայ ըմբիշը զիջեց 12:5 հաշվով:
Հարությունյանը իրավունք կստանա շարունակել պայքարը, եթե ուզբեկ մարզիկը հասնի եզրափակիչ: Մեկնարկային գոտեմարտում Հարությունյանը 13:3 հաշվով առավելության էր հասել Մեքսիկան ներկայացնող մարզիկի նկատմամբ:
Ավելի վաղ` Հայաստանի ըմբշամարտի հավաքականից Օլիմպիական խաղերի արծաթե մեդալակիր էր դարձել Արթուր Ալեքսանյանը, իսկ բրոնզ էր նվաճել Մալխաս Ամոյանը:
Վարվառա Հայրապետյան