ՓԱՐԻԶ, 7 ՕԳՈՍՏՈՍԻ, ԱՐՄԵՆՊՐԵՍ: Հայաստանի օլիմպիական հավաքականի անդամ, աթլետ Երվանդ Մկրտչյանը մեկնարկեց Փարիզ-2024-ում` թարմացնելով Հայաստանի ռեկորդը:
«Արմենպրես»-ի թղթակցի հաղորդմամբ` Փարիզի Stade de France մարզադաշտում, որտեղ ընթանում են աթլետիկայի մրցաշարերը, օգոստոսի 7-ին կայացավ նաև տղամարդկանց 800 մետր վազքի որակավորման մրցաշարը:
Հայաստանի աթլետիկայի հավաքականի առաջատար Երվանդ Մկրտչյանը 800 մետր տարածությունը հաղթահարեց 1:49.91 արդյունքով: Այս արդյունքը Հայաստանի նոր ռեկորդ է:
Ընդհանուր պայքարում Մկրտչյանը միայն 51-րդ հորիզոնականում է:
Հայաստանի օլիմպիական հավաքականից ըմբիշներ Արթուր Ալեքսանյանը և Մալխաս Ամոյանը օգոստոսի 7-ին կպայքարեն ՕԽ մեդալների համար: Արթուր Ալեքսանյանի մրցակիցը եզրափակչում Իրանից Մոհամմադհադի Սարավին է, իսկ Մալխաս Ամոյանը Ուզբեկստանը ներկայացնող Արամ Վարդանյանի հետ կպայքարի բրոնզե մեդալի համար։
Վարվառա Հայրապետյան