1 րոպեի ընթերցում
ՓԱՐԻԶ, 6 ՕԳՈՍՏՈՍԻ, ԱՐՄԵՆՊՐԵՍ: Հայաստանի ըմբշամարտի հավաքականի անդամ, Օլիմպիական խաղերի ոսկե, արծաթե, բրոնզե մեդալակիր, աշխարհի և Եվրոպայի բազմակի չեմպիոն Արթուր Ալեքսանյանը երկրորդ հաղթանակը տոնեց Փարիզ-2024-ում:
«Արմենպրես»-ի թղթակցի փոխանցմամբ` Փարիզի Champ-de-Mars Arena-ում ընթացող հունահռոմեական ոճի ըմբշամարտի 97 կգ քաշային կարգի երկրորդ գոտեմարտում Արթուր Ալեքսանյանը մրցեց ուզբեկ Ռուստամ Ասսակալովի հետ և համառ պայքարից հետո հաղթանակ տոնեց 9:5 հաշվով:
Մեկնարկային գոտեմարտում Արթուր Ալեքսանյանը հաղթել էր Հարավային Կորեան ներկայացնող Կիմ Սյունգյունին` 9:0 հաշվով: Ըմբշամարտի մրցաշարի կիսաեզրափակիչ գոտեմարտերը կկայանան օգոստոսի 6-ին, իսկ եզրափակիչները` հաջորդ օրը:
Վարվառա Հայրապետյան