Ուրախ եմ, որ ներկայացնելու եմ իմ նախնիների հայրենիքը. Էլինա Ավանեսյան
1 րոպեի ընթերցում
![Ուրախ եմ, որ ներկայացնելու եմ իմ նախնիների հայրենիքը. Էլինա Ավանեսյան](http://armenpress.am/resized/480/storage/images/articles/2024/08/06/VLwALKA5G1V4Zb1MPMeBJBWUGvbdH8PfZ0VB1ljq.webp)
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ։ Թենիսիստ Էլինա Ավանեսյանը հայտնել է, որ Հայաստանի քաղաքացիություն է ստացել և ներկայացնելու է Հայաստանը՝ սկսած օգոստոսի 11-ին մեկնարկելիք Cincinnati Open-ի մրցաշարից։
«Արմենպրես»-ի փոխանցմամբ՝ Էլինա Ավանեսյանն այդ մասին գրել է «Ինստագրամ»-ի իր էջում։
«Պատիվ ունեմ հայտարարելու, որ ես Հայաստանի քաղաքացիություն եմ ստացել և ներկայացնելու եմ Հայաստանը՝ սկսած երկուշաբթի մեկնարկող Cincinnati Open-ից։ Այս ճամփորդությունն անհավատալի էր, և ես ուրախ եմ իմ ունակությունները լավագույնս ցույց տալու ու իմ նախնիների հայրենիքը ներկայացնելու համար։ Շնորհակալ եմ բոլորին անմնացորդ աջակցության համար»,-գրել է Ավանեսյանը։