Մարզական կոչումներ՝ մարզաշխարհի մի շարք ներկայացուցիչների

3 րոպեի ընթերցում

ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարությունում հուլիսի 18-ին մարզական կոչումներ են շնորհվել մարզաշխարհի մի շարք ներկայացուցիչների: Մարզիկներին կոչումները հանձնել է ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը:

Ինչպես «Արմենպրես»-ին տեղեկացրին նախարարությունից, ՀՀ սպորտի վարչպետի կոչում է շնորհվել ազատ ոճային ըմբիշ Գոռ Բունիաթյանին, հրաձիգներ Հայկ Մինասյանին և Անահիտ Սարգսյանին, բռնցքամարտիկներ Արարատ Հարությունյանին, Դավիթ Սաֆարյանին, Միսակ Տեփանյանին, կարատեիստներ Հենրիկ Հայկյանին և Գոռ Ներսիսյանին, լողորդներ Տիգրան Գրիգորյանին, Պետրոս Ստեփանյանին, սամբո մարզաձևի ներկայացուցիչներ Ալեքս Խաչատրյանին, Սամվել Ղազարյանին, Մհեր Մելոյանին, վոլեյբոլ մարզաձևի ներկայացուցիչներ Մհեր Մելոյանին, Ելիզավետա Տոնոյանին, Միլենա Տոնոյանին, Ամալյա Կարապետյանին, Սվետլանա Մարգարյանին, Օֆելյա Մաթոսյանին և Ինգա Ղուկասյանին, մարմնամարզիկներ Նանե Միքայելյանին և Ռոբերտ Գյուլումյանին, ինչպես նաև սեղանի թենիս մարզաձևի ներկայացուցիչներ Տիգրան Պետրոսյանին և Գևորգ Բեգլարյանին:

Միջազգային կարգի սպորտի վարպետի կոչում է շնորհվել հունահռոմեական ոճի ըմբիշ Մանվել Խաչատրյանին, հրաձիգ Նարե Գաբրիելյանին, բռնցքամարտիկներ Բարեղամ Հարությունյանին, Արթուր Սահակյանին, Արարատ Հարությունյանին, բազկամարտիկ Վաչագան Հովհաննիսյանին, սամբիստներ Մայիս Ներսիսյանին, Կարեն Սարգսյանին, Աննա Այվազյանին:

Ըստ աղբյուրի՝ ԿԳՄՍ նախարարի տեղակալը շնորհավորել է մարզիկներին և շնորհակալություն հայտնել մեր երկրի պատիվը բարձր պահելու համար: Կարեն Գիլոյանն ընդգծել է՝ սա քրտնաջան մարզումների և նվիրված աշխատանքի արդյունք է:

«Ձեր հաղթանակները շատ կարևոր են մեր երկրի համար, քանի որ յուրաքանչյուր հաղթանակ օգնում է առավել ուժեղ դարձնել Հայաստանը: Մարզական հաղթանակները ևս մեկ ապացույց են այն բանի, որ երկիրը կարող է առաջ գնալ: Կառավարությունն էլ իր հերթին անում է ամեն ինչ, որպեսզի ձեր արդյունքներն ավելի լավը դառնան, իսկ դուք ավելի գնահատված լինեք»,- ասել է Կարեն Գիլոյանը՝ շնորհակալություն հայտնելով նաև մարզիչներին՝ անձնվեր աշխատանքի համար:

Բաժանորդագրվեք մեր ալիքին Telegram-ում