1 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ 2024 թվականի կեսերին Երկիր մոլորակի բնակչության թիվը հասել է գրեթե 8,2 մլրդ մարդու և, ինչպես սպասվում է, առաջիկա 60 տարիների ընթացքում կավելանա ևս 2 միլիարդով 2080-ականների կեսերին հասնելով 10,3 մլրդ մարդու։ «Արմենպրես»-ի հաղորդմամբ՝ այս մասին ասված է ՄԱԿ-ի տնտեսական և սոցիալական հարցերի դեպարտամենտի զեկույցում:
ՄԱԿ-ի կանխատեսմամբ՝ Երկրի բնակչությունը 2084 թվականին կհասնի 10,3 միլիարդ մարդու, այնուհետև դարի վերջին կնվազի մինչև մոտ 10,2 միլիարդ մարդ:
Զեկույցում նաև ասվում է, որ այսօր ամբողջ աշխարհում կանայք միջինում մեկ երեխա ավելի քիչ են ունենում, քան 1990 թվականին: