Նիդեռլանդների խորհրդարանական պատվիրակությունն այցելել է Իջևան

ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Եվրոպական միության դիտորդական առաքելությունն Իջևանում հյուրընկալել է Նիդեռլանդների խորհրդարանական պատվիրակության անդամներին և Հայաստանում Նիդեռլանդների դեսպան Յապ Ֆրեդերիքսին։

«Արմենպրես»-ի հաղորդմամբ՝ այս մասին նշված է ՀՀ-ում ԵՄ դիտորդական առաքելության X-ի միկրոբլոգում տարածված գրառման մեջ։ 

«Պատիվ է հյուրընկալել Նիդեռլանդների խորհրդարանի պատվիրակությանը և Հայաստանում Նիդեռլանդների դեսպան Յապ Ֆրեդերիքսին Հայաստանում Եվրոպական միության դիտորդական առաքելությունում։ 

Հյուրերը միացան Իջևանի շրջանի պարեկային խմբին՝ տեղում առաքելության իրականացվող աշխատանքի մասին ավելին իմանալու համար», - իր գրառման մեջ նշել է առաքելությունը՝ շարունակական աջակցության համար շնորհակալություն հայտնելով Նիդեռլանդներին։

Honoured to host a delegation of the Dutch Parliament and the Ambassador of Netherlands to Armenia @JaapFrederiks in EUMA. The visitors joined a patrol in Ijevan region to learn more about the Mission’s work on the ground. Thank you for 🇳🇱your continued support! pic.twitter.com/yrm3iuzCxU

— European Union Mission in Armenia (@EUmARMENIA) July 12, 2024