Տնտեսություն

BDO Armenia-ն և Orion Worldwide Innovations-ը մեկնարկում են այլընտրանքային ներդրումային միջավայրի զարգացման՝ Power Consulting Days ծրագիրը

5 րոպեի ընթերցում

BDO Armenia-ն և Orion Worldwide Innovations-ը մեկնարկում են այլընտրանքային ներդրումային միջավայրի զարգացման՝ Power Consulting Days ծրագիրը

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Աշխարհում խոշորագույն աուդիտորական, հարկային և խորհրդատվական ցանցերից մեկի՝ BDO-ի անդամ BDO Armenia-ն և ստարտափների աճի և փոխկապակցված էկոհամակարգի զարգացման հանգույց հանդիսացող Orion Worldwide Innovations-ը հայտարարում են Հայաստանում Power Consulting Days ծրագրի մեկնարկի մասին: 

Power Consulting Days-ը սեմինարների, գործնական մասնագիտական միջացառումների շարք է, որի ընթացքում բիզնեսները կստանան ներդրումների և այլ ուղղություններով անհրաժեշտ գիտելիք հայաստանյան և համաշխարհային առաջատար մասնագետներից, կլսեն հաջողության պատմություններ։ Մասնակիցները մանրամասն կծանոթանան նաև տվյալ պահին տնտեսության ընթացիկ վիճակին, ներդրումների հետ առնչվող ՀՀ օրենսդրական դաշտին և վերջին փոփոխություններին։ 

Ծրագրին մասնակցելու համար անհրաժեշտ է լրացնել հայտը

2022 թվականին կորպորատիվ վենչուրային կապիտալի (CVC) ֆինանսավորումը հասել է տպավորիչ ծավալի՝ 55,1 միլիարդ դոլարի։ 2023-ին մասնավոր կապիտալի կողմից կառավարվող ակտիվներն ամբողջ աշխարհում հասել են շուրջ 4,7 տրիլիոն, իսկ վենչուրային կապիտալի կառավարվող ակտիվները՝ 1,2 տրիլիոն դոլարի։  

Ծրագիրն, ըստ էության, 12-ամսյա մենթորական ակումբ է, որը նպատակ ունի օժանդակել Հայաստանում տնտեսության զարգացմանը՝ այլընտրանքային ներդրումների գծով բիզնեսներին խորհրդատվություն տրամադրելու միջոցով: 

«Հայաստանում ներդրումային ոլորտում կան բազմաթիվ չպարզաբանված հարցեր, որոնք անիրազեկության դեպքում կարող են խնդիրներ առաջացնել կարևոր որոշումներ կայացնելիս: Խորհրդատվական օրերի շարքը նախատեսված է միջին և մեծ բիզնեսների համար, որոնք պրոֆեսիոնալ խորհրդատվության կարիք ունեն։ Այստեղ կարող ենք նշել մի քանի խումբ․ նորարարական ընկերություններ, ուղղակի գումար տնտեսած և ներդրում կատարելու պատրաստ կազմակերպություններ, ֆոնդեր, վենչուրային ընկերություններ և հրեշտակ ներդրողներ։ Մասնակիցների հետ աշխատելու են ոլորտի առաջատար և, կարևորը, ներդրումների բնագավառում գործնական և խորհրդատվության փորձ ունեցող մասնագետներ»,- նշել է BDO-ի գործընկեր, հարկային, միջազգային առևտրի և իրավաբանական ծառայությունների բաժնի ղեկավար Ահարոն Չիլինգարյանը։ 

«Մենք այլընտրանքային ներդրումները դիտարկում ենք որպես կարևոր բաղադրիչ Հայաստանի տնտեսական աճը խթանելու տեսակետից։ Քանի որ այլընտրանքային ներդրումներն առաջարկում են դիվերսիֆիկացված պորտֆել, ապահովում են ավելի բարձր եկամտաբերություն և, որպես կանոն, ավելի ցածր տատանողականություն՝ ավանդական ակտիվների դասերի համեմատ»,- նշել է «Orion Worldwide Innovations»-ի հիմնադիր տնօրեն, Covenant Venture Capital-ի վենչուրային գործընկեր Էմմա Առաքելյանը: 

Ծրագրի ընթացքում կգեներացվի այլընտրանքային ներդրումների միջավայրի միտումների համայնապատկեր, որը կընդգրկի առավել նկատելի միտումները և հաջողված կարգավորումները։   

Ծրագրի յուրաքանչյուր խորհրդատվական օր ունի նաև գործնական մաս, որի ընթացքում մասնակիցները կստանան գործնականում կիրառելի գիտելիք, այլ արժեքավոր տեղեկություններ և կունենան փորձագետների հետ խորհրդակցելու հնարավորություն: 

Power Consulting Days-ի ընթացքում առանձնացվելու են նաև Հայաստանում այլընտրանքային ներդրումային դաշտի զարգացման կարևոր ուղղությունները: 

BDO Armenia-ի մասին

Բի-Դի-Օ Արմենիա-ն, Բի-Դի-Օ Ըքքաունթինգը, Թաքս ընդ Լիգըլը և Բի-Դի-Օ Ըդվայզորին հանդիսանում են աշխարհում խոշորագույն աուդիտորական, հարկային և խորհրդատվական միջազգային ցանցերից մեկի՝ ԲիԴիՕ-ի անդամ։ Հիմնադրված լինելով 1963 թվականին՝ ԲիԴիՕ-ն Հայաստան մուտք է գործել 2010թ. և կարճ ժամանակում, իր շուրջը համախմբելով պրոֆեսիոնալ մասնագիտական թիմ, հաջողությամբ ընդլայնել է տրամադրվող ծառայությունների ցանկն՝ ապահովելով առաջատար դիրքերից մեկը հայաստանյան շուկայում:

«Orion»-ի մասին

«Օրիոնը» (Orion Worldwide Innovations) ստարտափների աճի և փոխկապակցված էկոհամակարգի զարգացման հանգույց է, որն առաջարկում է ծառայությունների ամբողջական փաթեթ: «Օրիոնը» ներդրումների ենթակա ընկերությունների համար ստեղծում է ԱՄՆ մուտք գործելու հնարավորություններ, բարելավում այդ ընկերությունների՝ հաճախորդներ ձեռք բերելու ռազմավարությունները, օգնում մնալ մրցունակ և պաշտպանում իրենց նորարարությունները։ «Օրիոնը» հիմնադրվել է 2017 թ., ԱՄՆ-ում։ Ընկերությունը գրասենյակներ ունի Նյու Յորքում և Երևանում, համագործակցում է աշխարհի տարբեր երկրներում գործող ընկերությունների և ներդրողների ցանցերի հետ։ 

Համաշխարհային բանկը Հայաստանին 102 միլիոն եվրոյի վարկ կտրամադրի առողջապահական համակարգը բարելավելու համար

Տնտեսություն

Համաշխարհային բանկը Հայաստանին 102 միլիոն եվրոյի վարկ կտրամադրի առողջապահական համակարգը բարելավելու համար

Բացահայտում ենք Բաթումին նորովի. ինչպե՞ս կազմակերպել ժամանցն ու ի՞նչ պատմական, մշակութային վայրեր այցելել

Տնտեսություն

Բացահայտում ենք Բաթումին նորովի. ինչպե՞ս կազմակերպել ժամանցն ու ի՞նչ պատմական, մշակութային վայրեր այցելել

Եվրոպական ինդեքսներ- 17/07/24

Տնտեսություն

Եվրոպական ինդեքսներ- 17/07/24

Ամերիկյան ինդեքսներ- 17/07/24

Տնտեսություն

Ամերիկյան ինդեքսներ- 17/07/24

NYMEX. Թանկարժեք մետաղների գները նվազել են- 17/07/24

Տնտեսություն

NYMEX. Թանկարժեք մետաղների գները նվազել են- 17/07/24

Նավթի գներն աճել են- 17/07/24

Տնտեսություն

Նավթի գներն աճել են- 17/07/24

ՀՀ ԱԳ փոխնախարարը և ESCAP-ի գործադիր քարտուղարը քննարկել են փոխգործակցության հեռանկարները

Տնտեսություն

ՀՀ ԱԳ փոխնախարարը և ESCAP-ի գործադիր քարտուղարը քննարկել են փոխգործակցության հեռանկարները

ՀՀ ֆինանսների նախարարի տեղակալն ու ԱԶԲ գործադիր տնօրենն անդրադարձել են Հյուսիս-հարավ ճանապարհային միջանցքի Սիսիան-Քաջարան հատվածի շինարարության ֆինանսավորմանը

Տնտեսություն

ՀՀ ֆինանսների նախարարի տեղակալն ու ԱԶԲ գործադիր տնօրենն անդրադարձել են Հյուսիս-հարավ ճանապարհային միջանցքի Սիսիան-Քաջարան հատվածի շինարարության ֆինանսավորմանը

Մայիսին ՀՀ առևտրային բանկերում ավանդների և վարկերի աճ է գրանցվել

Տնտեսություն

Մայիսին ՀՀ առևտրային բանկերում ավանդների և վարկերի աճ է գրանցվել

Հայաստանի բյուջեն ընդհանուր առմամբ պահպանել է հավասարակշռությունը

Տնտեսություն

Հայաստանի բյուջեն ընդհանուր առմամբ պահպանել է հավասարակշռությունը

2024 թվականի առաջին հինգ ամիսներին Հայաստանից արտահանման ու ներմուծման ծավալներն աճել են համապատասխանաբար 248 և 200 տոկոսով

Տնտեսություն

2024 թվականի առաջին հինգ ամիսներին Հայաստանից արտահանման ու ներմուծման ծավալներն աճել են համապատասխանաբար 248 և 200 տոկոսով

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում