Սամանթա Փաուերն ակնկալում է խորացնել Հայաստանի հետ համագործակցությունը

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ։ Միացյալ Նահանգների միջազգային զարգացման գործակալության ղեկավար Սամանթա Փաուերն անդրադարձ է կատարել Հայաստան կատարած այցելությանն՝ ակնկալելով դրա ընթացքում ուսումնասիրել համագործակցության խորացման հնարավորությունը։

«Արմենպրես»-ի հաղորդմամբ՝ այս մասին Սամանթա Փաուերը գրառում է կատարել X-ի իր միկրոբլոգում՝ նշելով, որ մեծ պատիվ է արդեն երկրորդ անգամ Հայաստան այցելելը։

«Հենց նոր վայրէջք կատարեցի Երևանում։ ՀՀ-ԱՄՆ ընդլայնվող գործընկերության այս նշանակալի պահին ինձ համար մեծ պատիվ է վերադառնալ Հայաստան: Վերջին տարվա ընթացքում սա իմ երկրորդ այցելությունն է»,- իր գրառման մեջ նշել է Փաուերն՝ ակնկալիք հայտնելով այցի ընթացքում ուսումնասիրել համագործակցության խորացման հնարավորությունը։

Just touched down in Yerevan. It’s a privilege to return to Armenia—my 2nd trip in the last year—at such a significant time in the expanding partnership between  & 

Looking forward to exploring deeper cooperation during my visit this week.

— Samantha Power (@PowerUSAID) July 8, 2024