Նովակ Ջոկովիչը հաղթանակով մեկնարկեց Ուիմբլդոնում
1 րոպեի ընթերցում
![Նովակ Ջոկովիչը հաղթանակով մեկնարկեց Ուիմբլդոնում](http://armenpress.am/resized/480/storage/images/articles/2024/07/02/phBpqgCyMNcPNAIU38qxHjYpku0lqrMjWWKan1Mq.webp)
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Թենիսի աշխարհի երկրորդ ռակետ Նովակ Ջոկովիչը հաղթանակով մեկնարկեց Ուիմբլդոնում:
«Արմենպրես»-ի հաղորդմամբ` թենիսի «Մեծ սաղավարտի» տարվա 4 մրցաշարերից հերթականի` Ուիմբլդոնի տղամարդկանց մենախաղի առաջին շրջանում Նովակ Ջոկովիչը մրցեց աշխարհի 123-րդ ռակետ, չեխ Վիտ Կոպրիբայի հետ: Մոտ 1 ժամ ձգված մրցախաղում Նովակ Ջոկովիչն առավելության հասավ երեք սեթերում` 6:1, 6:2, 6:2 հաշվով:
Նովակ Ջոկովիչը Ուիմբլդոնի 7-ակի հաղթող է: