Եվրո-2024. Պորտուգալիան քառորդ եզրափակիչ է դուրս եկել

ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության 1/8 եզրափակչի շրջանակներում Պորտուգալիան մրցել է Սլովենիայի հետ:

«Արմենպրես»-ի հաղորդմամբ`  Ֆրանկֆուրտում կայացած խաղի հիմնական ժամանակում երկու թիմերից և ոչ մեկին չի հաջողվել դառնալ գոլի հեղինակ: Լրացուցիչ ժամանակ Սլովենայի դարպասը նշանակված 11 մետրանոց հարվածը չի իրացրել Ռոնալդուն: Ամեն ինչ որոշվել է հետխաղյա 11 մետրանոց հարվածաշարի միջոցով: Պորտուգալիայի ազգային թիմի դարպասապահ Դիեգո Կոստան բաց չի թողել ոչ մի գնդակ: Պորտուգալիան խփել է 3 գնդակ ու դուրս եկել քառորդ եզրափակիչ:

Պորտուգալիա-Սլովենիա` 0:0 (3:0):

Քառորդ եզրափակիչում Պորտուգալիան կմրցի Ֆրանսիայի հետ: Այդ խաղը կկայանա հուլիսի 5-ին (ժամը` 23:00):