Ֆինլանդիան ԱՄՆ-ին 15 ռազմական օբյեկտների շահագործման թույլտվություն կտրամադրի
1 րոպեի ընթերցում
![Ֆինլանդիան ԱՄՆ-ին 15 ռազմական օբյեկտների շահագործման թույլտվություն կտրամադրի](http://armenpress.am/resized/480/storage/images/articles/2024/07/01/9whOPQJeo3v1ooRIOW6ONZKE7z6hD1GLoCRNJOkn.webp)
ԵՐԵՎԱՆ, 1 ՀՈւLԻՍԻ, ԱՐՄԵՆՊՐԵՍ: Ֆինլանդիայի խորհրդարանը հաստատել է ԱՄՆ-ի հետ պաշտպանական համաձայնագիրը, որով ամերիկյան կողմին հասանելիություն կտրամադրվի 15 ռազմական օբյեկտների։
«Արմենպրես»-ի հաղորդմամբ՝ այս մասին հայտնում է ՌԻԱ Նովոստին, հղում կատարելով Ֆինլանդիայի Yle հանրային հեռուստաընկերությանը։
«Խորհրդարանը հավանություն է տվել Ֆինլանդիայի և Միացյալ Նահանգների միջև Պաշտպանական համագործակցության համաձայնագրին»,- ասվում է հեռուստատեսության նյութում։
Ըստ աղբյուրի՝ փաստաթուղթը նախատեսում է նաև սարքավորումների և ռեսուրսների տեղակայում Ֆինլանդիայի տարածքում, ամերիկյան ինքնաթիռների, նավերի և մեքենաների մուտքն ու տեղաշարժը։
Բացի այդ, Հելսինկին պարտավորվում է ապահովել ԱՄՆ-ի ուժերի և նրանց կողմից օգտագործվող օբյեկտների և տարածքների անվտանգությունը։
Ինչպես նշել է Ֆինլանդիայի արտգործնախարարությունը, փաստաթուղթը չի ենթադրում ամերիկյան զորքերի մշտական ներկայություն, եթե դրանք տեղակայվեն երկրում ռոտացիոն սկզբունքով։
Հունիսի կեսերին ԱՄՆ-ի հետ համանման համաձայնագիրը հաստատվել էր Շվեդիայի խորհրդարանի կողմից։