Էստոնիայի վարչապետի պաշտոնում առաջադրվել է Շրջակա միջավայրի նախարար Քրիստեն Միխալը

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ։ Էստոնիայում իշխող «Բարեփոխումների կուսակցությունը» կառավարության ղեկավարի պաշտոնի թեկնածու է Շրջակա միջավայրի նախարար Քրիստեն Միխալին՝ կուսակցության նախագահ Կայա Կալլասի փոխարեն, քանի որ վերջինս ստացել է ԵՄ արտաքին քաղաքականության ծառայության ղեկավարի պաշտոնը։ 

«Արմենպրես»-ի փոխանցմամբ՝ այս մասին հայտնում է ազգային պետական ​​հեռուստատեսության և ռադիոյի ERR պորտալը։

«Բարեփոխումների կուսակցության ղեկավարությունը միաձայն որոշում է կայացրել Էստոնիայի վարչապետի թեկնածու առաջադրել Քրիստեն Միխալին»,-ասվում է հաղորդագրության մեջ։

Ինչպես նշել է վարչապետի թեկնածուն, կաբինետի հիմնական խնդիրը կմնա Էստոնիայի անվտանգության ապահովումը՝ հավելելով, որ բնակիչները պետք է վստահ լինեն, որ իրենց տունը պաշտպանված է։

Բարեփոխումների կուսակցության առաջնորդ Կայա Կալասը, ով դեռ գործող վարչապետն է, մտադիր է կարիերան շարունակել Եվրոպայում։

Հունիսի 27-ին Եվրոպական խորհուրդը հաստատել է նրա թեկնածությունը ԵՄ արտաքին քաղաքականության ծառայության ղեկավարի պաշտոնում։