Կոպճային ծածկույթով կապահովվի Վարդենիս-Այրք-Ներքին Շորժա-Վերին Շորժա մարզային նշանակության ճանապարհի անցանելիությունը

ԳԱՎԱՌ, 27 ՀՈՒՆԻՍԻ, ԱՐՄԵՆՊՐԵՍ։ ՀՀ կառավարության 2024 թվականի հունիսի 27-ի հերթական նիստում որոշում է կայացվել՝ 140 միլիոն 847,6 հազար դրամ հատկացնել Վարդենիս-Այրք-Ներքին Շորժա -Վերին Շորժա մարզային նշանակության ավտոճանապարհը կոպճային ծածկով նորոգելու համար,  որի արդյունքում կապահովվի 14 կիլոմետր ընդհանուր երկարության ճանապարհի անցանելիությունը։

Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից,նշված գումարից 138 միլիոն  հազար դրամը կհատկացվի շինարարական աշխատանքների, 1 միլիոն 900 հազար դրամը՝ տեխնիկական  և 830 հազար դրամը՝ հեղինակային հսկողության համար։ 

Ճանապարհաշինական աշխատանքները նախատեսվում է սկսել և ամբողջությամբ ավարտել 2024 թվականի ընթացքում։ 

Խոսրով Խլղաթյան