1 րոպեի ընթերցում
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ։ Ֆրանսիայի Հանրապետության զինված ուժերի նախարար Սեբաստիեն Լըկորնյուն X-ի իր էջում կատարած գրառման միջոցով անդրադարձել է Հայաստանի Հանրապետության պաշտպանության նախարար Սուրեն Պապիկյանի հետ հանդիպման մանրամասներին:
«Շարունակում ենք Հայաստանի հետ ամրապնդել պաշտպանական ոլորտում մեր հարաբերությունները: Ջերմ և արդյունավետ հանդիպում իմ պաշտոնակից Սուրեն Պապիկյանի հետ՝ Eurosatory-ի շրջանակում։ Նոր կարևոր մեկնարկ՝ CAESAR հրետանային համակարգի ձեռքբերման մասին պայմանագրի կնքմամբ»,- «Արմենպրես»-ի փոխանցմամբ՝ գրել է Սեբաստիեն Լըկորնյուն: