388.33
Չեխիայի զորավարժարանում տեղի է ունեցել զինամթերքի պայթյուն
1 րոպեի ընթերցում
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Չեխիայի արևելքում գտնվող «Լիբավա» զորավարժարանում զինամթերքի պայթյուն է տեղի ունեցել, միջադեպի վայրում կան վիրավորներ: «Արմենպրես»-ի փոխանցմամբ՝ այս մասին հաղորդել է Չեխիայի բանակի մամուլի ծառայությունը։
«Մենք լուրջ միջադեպի հետ գործ ունենք «Լիբավա»-ի ուսումնական տարածքում, որտեղ պայթել է դեռևս անհայտ տեսակի զինամթերք: Ցավոք, տեղում կան վիրավորներ», - հայտնել է գերատեսչությունը X սոցիալական ցանցում:
Հաղորդագրության համաձայն՝ ռազմական ոստիկանությունը հետաքննում է արտակարգ պատահարը։ Վթարի վայր է ուղարկվել փրկարար ծառայության ուղղաթիռ։
