Մշակույթ

Ռոբերտ Ամիրխանյանի հոբելյանի առթիվ «Տարիների մեղեդիներ» խորագրով համերգներ անցկացվեցին

3 րոպեի ընթերցում

Ռոբերտ Ամիրխանյանի հոբելյանի առթիվ «Տարիների մեղեդիներ» խորագրով համերգներ անցկացվեցին

ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: ՀՀ ժողովրդական արտիստ, կոմպոզիտոր Ռոբերտ Ամիրխանյանի 85-ամյակի կապակցությամբ հունիսի 12-13-ին Կոմիտասի անվան կամերային երաժշտության կենտրոնում անցկացվեցին «Տարիների մեղեդիներ» խորագրով համերգային երեկոներ:

«Արմենպրես»-ի հաղորդմամբ՝ համերգներին ելույթ ունեցան Հայաստանի պետական կամերային երգչախմբի մենակատարներ Լուսինե Վարդանյանը, Էռա Հովսեփյանը, Նաիրա Հովհաննիսյանը, Անահիտ Հովհաննիսյանը, Սոֆյա Սայադյանը, Լուսինե Օրդուխանյանը, Արամ Ավետիսյանը, Վարդան Բադալյանը, Մավր Մկրտչյանը: 

Հնչեցին կոմպոզիտորի «Ներիր ինձ, ես քեզ ցավ եմ պատճառել», «Կարոտ», «Փարիզյան տանգո», «Ինձ համար դու շող գարուն», «Երկու կռունկ», «Քո աչքերի խավարում», «Արևոտ անձրև», «Քեզ հետ, իմ սեր» և այլ ստեղծագործություններ:

«Նման համերգներն ավանդույթ են դառնալու: Աշխատեցի երգիչների հետ, քանի որ մի բան է, երբ երգչախմբի հետ ես երգում, մեկ այլ բան է, երբ միայնակ ես երգում: Շնորհաշատ երգիչներ են և շատ լավ են ներկայանում»,-երկրորդ համերգից առաջ նշեց Ամիրխանյանը:

Նրա խոսքով՝ ամեն անգամ այս կամ այն երգը լսելիս կամ այն կատարելիս նորովի ես վերապրում այն հույզերը, որ եղել են այդ երգերը ստեղծելիս: «Յուրաքանչյուր մարդ որևէ քայլ անելիս պատասխանում է երեք հարցի՝ ի՞նչ ես անում, ինչո՞ւ ես անում և ինչպե՞ ս ես անում: Այդ հարցերը ես միշտ եմ հնչեցնում: Կարծում եմ՝ առանց այդ հարցերը տալու, առանց ոգևորության, առանց հիացումի հնարավոր չէ ճանապարհ անցնել, ստեղծագործել, իսկ հիացումը գալիս է բանաստեղծական խոսքի վերին աստիճանի տպավորիչ կերպարներից, և նրանք ծնում են համարժեք հնչյունային համակարգ»,-ասաց կոմպոզիտորն ու հավելեց՝ աշխարհը կառուցված է տարբերությունների վրա, եթե չլինեն տարբերություններ, աշխարհը փուլ կգա, իսկ համերգներն այդ տարբերությունների վառ ապացույցն են:

Ռոբերտ Ամիրխանյանը խոստովանեց՝ հունիսի 12-ին կայացած համերգին, ինքը երջանիկ է եղել: Մաեստրոն և՛ նվագել է, և՛ երգել, և՛ վայելել երիտասարդ արտիստների կատարումները: «Ես զգացի իրական ազատությունը»,-ընդգծեց նա:

Կոմպոզիտորն արդեն ավարտին է հասցրել Ռիչարդ Բախի «Ջոնաթան Լիվինգսթոն ճայը» ստեղծագործության հիման վրա գրված երաժշտությունը: Նա հույս ունի, որ նոյեմբերին, երբ կլրանա իր 85-ամյակը, հանդես կգա համերգային ծրագրով, և այդ ստեղծագործությունը կհնչի նվագախմբի կատարմամբ:

Ամիրխանյանը, որը սիրված է և գնահատված, կյանքում հատկապես արժևորում է ժպիտը: «Մեր գլխավոր զենքը ժպիտն է, բաց սիրտն է: Ոչ մի զայրույթ, անտարբերություն չունի այնպիսի ուժ, ինչպիսին ժպիտը՝ աշխարհի ամենազորավոր զենքը»,-ժպիտով եզրափակեց մաեստրոն:

 

Արտավազդ Փելեշյանի «Հավերժական լույս» լիբրետոն կհամալրի Օպերայի և բալետի ազգային թատրոնի խաղացանկը

Մշակույթ

Արտավազդ Փելեշյանի «Հավերժական լույս» լիբրետոն կհամալրի Օպերայի և բալետի ազգային թատրոնի խաղացանկը

Մեկնարկում է Երևանի կարճամետրաժ ֆիլմերի 7-րդ միջազգային կինոփառատոնը

Մշակույթ

Մեկնարկում է Երևանի կարճամետրաժ ֆիլմերի 7-րդ միջազգային կինոփառատոնը

Տրամադրության նկարչուհին. Երևանում բացվեց Արմինե Ավետիսյանի (Մանոն) «Էմոցիոնալ փոթորիկ» ցուցահանդեսը

Մշակույթ

Տրամադրության նկարչուհին. Երևանում բացվեց Արմինե Ավետիսյանի (Մանոն) «Էմոցիոնալ փոթորիկ» ցուցահանդեսը

ԱՄՆ-ում կյանքից հեռացել է օպերային երգչուհի Աննա Նշանյանը

Մշակույթ

ԱՄՆ-ում կյանքից հեռացել է օպերային երգչուհի Աննա Նշանյանը

Վանաձորի թատրոնը նոր ներկայացման առաջնախաղը կազմակերպել է Կառլոս Աբովյանի անվան կերպարվեստի թանգարանում

Մշակույթ

Վանաձորի թատրոնը նոր ներկայացման առաջնախաղը կազմակերպել է Կառլոս Աբովյանի անվան կերպարվեստի թանգարանում

Նյու Դելիում ցուցադրվել են Հնդկաստանում գործունություն ծավալած հայ նկարչի գործերը

Մշակույթ

Նյու Դելիում ցուցադրվել են Հնդկաստանում գործունություն ծավալած հայ նկարչի գործերը

Չորրորդ Full Moon Fest փառատոնը Երևանում հյուրընկալեց հանրահայտ արտիստների

Մշակույթ

Չորրորդ Full Moon Fest փառատոնը Երևանում հյուրընկալեց հանրահայտ արտիստների

Բալետն աշխարհի ամենագեղեցիկ, ամենատղամարդկային, ամենադժվար և գույնզգույն արվեստն է. Րաֆֆի Գալստյան

Մշակույթ

Բալետն աշխարհի ամենագեղեցիկ, ամենատղամարդկային, ամենադժվար և գույնզգույն արվեստն է. Րաֆֆի Գալստյան

ԱՄՆ դեսպանատունը ներկայացնում է նոր տեսահոլովակ. «Սիհասին» խմբի «Շողա» երգի ռեմիքս տարբերակը՝ հայ երաժիշտ-կատարողների մասնակցությամբ

Մշակույթ

ԱՄՆ դեսպանատունը ներկայացնում է նոր տեսահոլովակ. «Սիհասին» խմբի «Շողա» երգի ռեմիքս տարբերակը՝ հայ երաժիշտ-կատարողների մասնակցությամբ

Դիլիջանում անցկացվել է Արհեստների 2-րդ միջազգային փառատոնը

Մշակույթ

Դիլիջանում անցկացվել է Արհեստների 2-րդ միջազգային փառատոնը

«Լավաշի կախարդանքը» փառատոնն արժևորել է հայկական լավաշի պատրաստումը

Մշակույթ

«Լավաշի կախարդանքը» փառատոնն արժևորել է հայկական լավաշի պատրաստումը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում