Մշակույթ

Հայաստանում առաջին անգամ կիթառի հանրապետական մրցույթ կանցկացվի

3 րոպեի ընթերցում

Հայաստանում առաջին անգամ կիթառի հանրապետական մրցույթ կանցկացվի

ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Առաջին անգամ Հայաստանում կանցկացվի դասական կիթառի հանրապետական մրցույթ: Մրցույթը կիրականացվի հունիսի 17-20-ը Իջևանում, Գյումրիում և Երևանում:

«Արմենպրես»-ի հաղորդմամբ՝ բոլոր մասնակիցները կստանան հիշարժան մրցանակներ, տարիքային բոլոր խմբերի հաղթողներին կշնորհվեն հատուկ մրցանակներ D’ADDARIO & CO միջազգային ընկերության կողմից, ինչպես նաև ուսումնական ձեռնարկներ: Դրամական պարգևներ կստանան բարձր տարիքային խմբի կիսաեզրափակիչ և եզրափակիչ փուլերի հաղթողների ուսուցիչները:

Մրցույթի ժյուրիի նախագահն է դասական կիթառի ուսուցիչ, պրոֆեսոր, բազմաթիվ միջազգային մրցույթների մրցանակակիր Նունե Բադալյանը:

Դասական կիթառի 1-ին հանրապետական մրցույթն իրականացվում է Primavera Foundation of Armenia մշակութային հիմնադրամի, «Առնո Բաբաջանյան» համերգասրահի, Երևանի Կոմիտասի անվան պետական կոնսերվատորիայի Գյումրու մասնաճյուղի և Իջևանի միջնակարգ երաժշտական դպրոցի համագործակցության արդյունքում:  

Մրցույթի կիսաեզրափակիչ փուլերը և մրցանակաբաշխության արարողությունները կկայանան հունիսի 17-ին Գյումրիում՝ Երևանի Կոմիտասի անվան պետական կոնսերվատորիայի Գյումրու մասնաճյուղում և Իջևանում՝ Իջևանի միջնակարգ երաժշտական դպրոցում, իսկ հունիսի 18-ին Երևանում՝ «Առնո Բաբաջանյան» համերգասրահում: Հունիսի 19-ին տեղի կունենա բաց դաս, որը կանցկացնեն ժյուրիի անդամները: Հունիսի 20-ին «Առնո Բաբաջանյան» համերգասրահում կկայանա եզրափակիչ փուլը և մրցանակաբաշխության հանդիսավոր արարողությունը:

Հանդիսատեսի համար վերը նշված բոլոր միջոցառումների մուտքն ազատ է: Բոլոր մանրամասներին հնարավոր է ծանոթանալ Primavera Foundation of Armenia մշակութային հիմնադրամի կայքում:

Primavera Foundation of Armenia բարեգործական հիմնադրամը միայն 2023-ին տարբեր երաժշտական գործիքներ տիրապետող երիտասարդների ու պատանիների համար իրականացրել է թվով 90 վարպետության դաս: Արտերկրից ժամանած լավագույն մասնագետները դասեր են անցկացրել ինչպես Երևանում, այնպես էլ մարզերում՝ շրջելով Նոյեմբերյանից մինչև Ագարակ: Արդյունքում պարզվել է, որ Հայաստանում ամենատարածված երաժշտական գործիքը կիթառն է: Հայաստանում կան ամենատարբեր տարիքի ինքնուս կիթառահարներից մինչև ակադեմիական բարձր կատարողական որակ ունեցող կիթառահարներ, ինչը և պատճառ հանդիսացավ հիմնադրամի համար առաջին հանրապետական մրցույթն իրականացնել հենց դասական կիթառի ժանրում:

 

Սերգեյ Սմբատյանը Հայաստանի պետական սիմֆոնիկ նվագախմբի ամերիկյան հյուրախաղերը ձեռքբերում է համարում

Մշակույթ

Սերգեյ Սմբատյանը Հայաստանի պետական սիմֆոնիկ նվագախմբի ամերիկյան հյուրախաղերը ձեռքբերում է համարում

Համերգներ, ձայնագրություններ, մենակատարների հետ համագործակցություններ. Սիմֆոնիկ նվագախումբն ամփոփեց 18-րդ համերգաշրջանը

Մշակույթ

Համերգներ, ձայնագրություններ, մենակատարների հետ համագործակցություններ. Սիմֆոնիկ նվագախումբն ամփոփեց 18-րդ համերգաշրջանը

«Փարաջանով-100» խորագիրը կրող ցուցահանդեսը Գյումրիում կգործի մինչև սեպտեմբեր

Մշակույթ

«Փարաջանով-100» խորագիրը կրող ցուցահանդեսը Գյումրիում կգործի մինչև սեպտեմբեր

Երևանում ելույթ կունենա աշխարհահռչակ օպերային երգիչ և դիրիժոր Պլասիդո Դոմինգոն

Մշակույթ

Երևանում ելույթ կունենա աշխարհահռչակ օպերային երգիչ և դիրիժոր Պլասիդո Դոմինգոն

«Queen Sensation» խումբը Երևանում հանդես եկավ բացառիկ համերգով

Մշակույթ

«Queen Sensation» խումբը Երևանում հանդես եկավ բացառիկ համերգով

ԵՄ-ն մեծ ուշադրություն է դարձնում մշակույթի ոլորտում Հայաստանի հետ համագործակցությանը. Մարագոս

Մշակույթ

ԵՄ-ն մեծ ուշադրություն է դարձնում մշակույթի ոլորտում Հայաստանի հետ համագործակցությանը. Մարագոս

Ազգային ֆիլհարմոնիկ նվագախումբն ու մի խումբ աստղեր համերգ կնվիրեն Գոհար Գասպարյանի 100-ամյակին

Մշակույթ

Ազգային ֆիլհարմոնիկ նվագախումբն ու մի խումբ աստղեր համերգ կնվիրեն Գոհար Գասպարյանի 100-ամյակին

Հաղթանակ Շահումյանի վաթսուն տարվա աշխատանքն ամփոփվեց նրա հոբելյանին նվիրված ցուցահանդեսում

Մշակույթ

Հաղթանակ Շահումյանի վաթսուն տարվա աշխատանքն ամփոփվեց նրա հոբելյանին նվիրված ցուցահանդեսում

Աշխարհահռչակ երաժիշտների կարծիքով սյունեցի պատանի երաժիշտների ջազային նվագախումբը մշակութային կյանքում մեծ ապագա ունի

Մշակույթ

Աշխարհահռչակ երաժիշտների կարծիքով սյունեցի պատանի երաժիշտների ջազային նվագախումբը մշակութային կյանքում մեծ ապագա ունի

Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան

Մշակույթ

Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան

Կապանի համայնքապետարանի նպատակն է վերականգնել մշակութային լավագույն ավանդույթները

Մշակույթ

Կապանի համայնքապետարանի նպատակն է վերականգնել մշակութային լավագույն ավանդույթները

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում