Մշակույթ

Թաթան, «Լադանիվա»-ն և հայ-վրացական խումբը՝ «Ֆեստիվառ»-ին. հայտնի են փառատոնի անցկացման օրերը

4 րոպեի ընթերցում

Թաթան, «Լադանիվա»-ն և հայ-վրացական խումբը՝ «Ֆեստիվառ»-ին. հայտնի են փառատոնի անցկացման օրերը

ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: «Ֆեստիվառ» զբոսաշրջային-երաժշտական փառատոնը վերադառնում է. այն այսուհետ կդառնա ամենամյա: Այս տարի «Ֆեստիվառ»-ը կրկին անցկացվելու է 3 քաղաքում՝ Գյումրիում, Իջևանում և Եղեգնաձորում:

«Արմենպրես»-ի հաղորդմամբ՝ Կրթության, գիտության, մշակույթի և սպորտի նախարարության և Հանրային հեռուստաընկերության կազմակերպած փառատոնի առաջին համերգը տեղի կունենա հուլիսի 27-ին Գյումրու Վարդանանց հրապարակում, որտեղ ելույթ կունենա ՀՀ վաստակավոր արտիստ Թաթա Սիմոնյանը:

Օգոստոսի 10-ին Իջևանում նախատեսվում է հայ-վրացական համերգային ծրագիր: Իսկ երրորդ համերգը տեղի կունենա օգոստոսի 24-ին Եղեգնաձորում, որտեղ ելույթ կունենա «Եվրատեսիլ 2024»-ում Հայաստանը ներկայացրած «Լադանիվա» խումբը:

ՀՀ ԿԳՄՍ նախարար Ժաննա Անդրեասյանը փառատոնին նվիրված ասուլիսի ժամանակ ուրախությամբ նշեց, որ նախորդ տարի անցկացված ծրագրին ընդհանուր առմամբ մասնակցել է 50 հազարից ավելի մարդ, այդ թվում՝ զբոսաշրջիկներ: Ըստ նրա՝ «Ֆեստիվառ»-ը տուրիստական մեծ աշխուժություն է հաղորդել համայնքներին. հյուրանոցային և հյուրատնային տնտեսություններն այդ օրերին գրանցել են աննախադեպ թվով այցելուներ:

«Կրթության, գիտության, մշակույթի և սպորտի նախարարությունը Հանրային հեռուստաընկերության հետ 2023 թվականի ամռանը 3 մարզում անցկացրեց «Ֆեստիվառ» երաժշտական-զբոսաշրջային փառատոնը՝ նպատակ ունենալով զարգացնել տուրիզմը, նպաստել մշակութային կյանքի ապակենտրոնացմանը, հանրահռչակել տեղի արտիստների և համայնքային փոքր տնտեսությունների գործունեությունը: Սա ցույց է տալիս, թե ինչքան կարևոր է, որպեսզի շարունակենք ծրագիրը, որից ելնելով՝ որոշել ենք այն դարձնել ամենամյա: Քաղաքների ընտրության պարագայում մենք փորձում ենք հնարավորինս ընդլայնել աշխարհագրությունը և ներառել նաև այն քաղաքները, որտեղ զբոսաշրջային շատ մեծ ակտիվություն չկա»,-նշեց Անդրեասյանը:

Նա ընդգծեց՝ կարևորում են, որ երաժշտական փառատոնի անցկացման ժամանակ շեշտը դրվի որակյալ երաժշտություն և ծրագիր ունենալու վրա:

Հանրային հեռուստաընկերության գործադիր տնօրեն Հովհաննես Մովսիսյանը, անդրադառնալով նախորդ տարվա «Ֆեստիվառ» զբոսաշրջային-երաժշտական փառատոնի արդյունքներին, նշեց, որ 2023 թվականին Վանաձորում, Գավառում և Սիսիանում կազմակերպված մեծամասշտաբ համերգներին մասնակցել են 2 տասնյակից ավելի արտիստներ և բենդեր:

«Համերգներին նախորդել են տեղական արտադրանքի տոնավաճառներ: 3 քաղաքում 91 տնտեսվարող անվճար հնարավորություն է ստացել ներկայացնել սեփական արտադրանքն ու ծառայությունները, մեկ օրում գրանցել ռեկորդային ծավալի վաճառք: Հանրային հեռուստաընկերության նախաձեռնությամբ յուրաքանչյուր մարզի համար երեք լեզվով տպագրվել են տեսարժան վայրերի և մարզի մասին պատմող տեղեկատվական գրքույկներ: Դրանք այս տարի նույնպես լինելու են, որպեսզի մեր հյուրերը կարողանան այդ գրքույկի միջոցով ամբողջությամբ ծանոթանալ թե՛ տեսարժան վայրերին, թե՛ տեղի սրճարաններին և ռեստորաններին և անհրաժեշտ այլ ինֆորմացիայի»,- նշեց Մովսիսյանը:

Նա ընդգծեց՝ շատ կարևոր է, որ այս փառատոնին մասնակցեն ոչ միայն տեղացի բնակիչները, այլ նաև մեր հայրենակիցները Հայաստանի տարբեր հատվածներից և սփյուռքից:

«Մեր փառատոնի հիմնական ուղղություններից մեկը հենց զբոսաշրջությունն է, և այդ օրերին մենք տեղում ունենալու ենք տրանսպորտային միջոցներ, որոնք մեր հյուրերին կուղեկցեն մարզի զբոսաշրջային և տեսարժան վայրեր»,- ասաց Հանրային հեռուստաընկերության գործադիր տնօրենը:

Մովսիսյանի խոսքով՝ շատ արտիստներ իրենք են փառատոնին ելույթ ունենալու ցանկություն հայտնել, քանի որ շատ կարևորում են նախագծի այն ասելիքը, որ նման խոշոր միջոցառումները միայն Երևանում չպետք է անցկացվեն:

ՀՀ ԿԳՄՍ նախարարն ու ԵՄ դեսպանը ծանոթացել են «Ստեղծագործ Եվրոպա» հայաստանյան գրասենյակի գործունեությանը

Մշակույթ

ՀՀ ԿԳՄՍ նախարարն ու ԵՄ դեսպանը ծանոթացել են «Ստեղծագործ Եվրոպա» հայաստանյան գրասենյակի գործունեությանը

Համաշխարհային օպերային աստղերի մասնակցությամբ համերգ` Գոհար Գասպարյանի 100-ամյակին

Մշակույթ

Համաշխարհային օպերային աստղերի մասնակցությամբ համերգ` Գոհար Գասպարյանի 100-ամյակին

Արմավիրի մարզի Լուկաշին գյուղում «Նոր գույներ» երիտասարդական մշակութային զարգացման կենտրոն է բացվել

Մշակույթ

Արմավիրի մարզի Լուկաշին գյուղում «Նոր գույներ» երիտասարդական մշակութային զարգացման կենտրոն է բացվել

Դիլիջանում կանցկացվի Արհեստների 2-րդ միջազգային փառատոնը

Մշակույթ

Դիլիջանում կանցկացվի Արհեստների 2-րդ միջազգային փառատոնը

«Ոսկե ծիրան»-ի «Վարպետ» մրցանակը հանձնվել է Տարսեմ Սինխին

Մշակույթ

«Ոսկե ծիրան»-ի «Վարպետ» մրցանակը հանձնվել է Տարսեմ Սինխին

Հայտնի են  «Ոսկե ծիրան» կինոփառատոնի GAIFF Pro հարթակի հաղթողները

Մշակույթ

Հայտնի են «Ոսկե ծիրան» կինոփառատոնի GAIFF Pro հարթակի հաղթողները

Հանրահայտ ջութակահար Ռոբի Լակատոշն իր երաժշտախմբով ելույթ կունենա Հայաստանում

Մշակույթ

Հանրահայտ ջութակահար Ռոբի Լակատոշն իր երաժշտախմբով ելույթ կունենա Հայաստանում

Հայկական ազգային հագուստը, ավանդույթներն ու մշակույթը կներկայացվեն վեցերորդ «ՏԱՐԱԶֆեստ»-ին

Մշակույթ

Հայկական ազգային հագուստը, ավանդույթներն ու մշակույթը կներկայացվեն վեցերորդ «ՏԱՐԱԶֆեստ»-ին

Հայ կի­նո­յի 100-ամ­յա արտադրան­քը՝ մեկ գրքում. կայացել է երկլեզու կատալոգի շնորհանդեսը

Մշակույթ

Հայ կի­նո­յի 100-ամ­յա արտադրան­քը՝ մեկ գրքում. կայացել է երկլեզու կատալոգի շնորհանդեսը

«Քեզ համար, Հայաստան». Շառլ Ազնավուրի 100-ամյակին նվիրված միջոցառումներ են անցկացվել Գյումրիում

Մշակույթ

«Քեզ համար, Հայաստան». Շառլ Ազնավուրի 100-ամյակին նվիրված միջոցառումներ են անցկացվել Գյումրիում

Երևանի «Ոսկե ծիրան» 21-րդ միջազգային կինոփառատոնը հատեց եզրագիծը. հայտնի են մրցանակակիրները

Մշակույթ

Երևանի «Ոսկե ծիրան» 21-րդ միջազգային կինոփառատոնը հատեց եզրագիծը. հայտնի են մրցանակակիրները

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում