Մեկնարկել են Ծաղկունք գյուղի կենտրոնական հատվածի վերակառուցման աշխատանքները
1 րոպեի ընթերցում
![Մեկնարկել են Ծաղկունք գյուղի կենտրոնական հատվածի վերակառուցման աշխատանքները](http://armenpress.am/resized/480/static/news/b/2024/06/1139173.jpg)
ԳԱՎԱՌ, 10 ՀՈՒՆԻՍԻ, ԱՐՄԵՆՊՐԵՍ։ Գեղարքունիքի մարզի Սևան համայնքի Ծաղկունք գյուղում արդեն մի քանի օր է մեկնարկել և ընթանում են կենտրոնական հատվածի վերակառուցման աշխատանքները։
Ինչպես «Արմենպրես»-ը տեղեկացավ Սևանի համայնքապետարանի աշխատակազմից, Ծաղկունքում ընթացող շինարարական աշխատանքներն իրողություն են դարձել Համաշխարհային բանկի «Տեղական տնտեսության և ենթակառուցվածքների զարգացման» ծրագրի և ՀՀ կառավարության համաֆինանսավորման շնորհիվ:
Ծրագրով նախատեսված է 1760 քմ մակերեսով ասֆալտբետոնե ծածկույթի փոխարինում երկաթբետոնե ծածկույթով, եզրաքարերի փոխարինում, 844 քմ մակերեսով մայթերի սալիկապատում, որին կհաջորդեն 5686.67 քմ մակերեսով կանաչապատումը, բարեկարգումը։ Նաև նախատեսված են կառուցապատման աշխատանքներ:
Ծրագրի կապալառուն է «Բլեսկ» ՍՊԸ-ի Հայաստանի մասնաճյուղը:
Աշխատանքների ավարտ է սահմանված 2024 թվականի հոկտեմբեր ամիսը:
Խոսրով Խլղաթյան