Հասարակական

Ճանաչողական այցով Գյումրի է այցելել Հայաստանում Լատվիայի դեսպանը

1 րոպեի ընթերցում

Ճանաչողական այցով Գյումրի է այցելել Հայաստանում Լատվիայի դեսպանը

ԳՅՈՒՄՐԻ, 30 ՄԱՅԻՍԻ, ԱՐՄԵՆՊՐԵՍ: Ճանաչողական այցով մայիսի 30-ին Գյումրիում էր Հայաստանում Լատվիայի արտակարգ և լիազոր դեսպան Էդիթ Մեդնեն (նստավայրը` Թբիլիսի):

Ինչպես տեղեկացնում է «Արմենպրես»-ը, Գյումրիի քաղաքապետ Վարդգես Սամսոնյանը ողջունել է դեսպանի այցը, ներկայացրել քաղաքն իր պատմությամբ, մշակույթով, խոսել տարբեր ոլորտներում Գյումրիի ներուժի, այս պահին քաղաքում իրականացվող ծրագրերի, համագործակցությունների ու բազմաթիվ այլ հարցերի մասին:

Համայնքի ղեկավարն իր խոսքում նաև ներկայացրել է տարբեր ոլորտներում քաղաքի հաջողություններն ու ձեռքբերումները, մասնավորապես, առանձնացրել Գյումրու մշակութային, սպորտային և զբոսաշրջային ոլորտները:

Հետագա համագործակցությունների, հնարավոր ծրագրերի ու դրանց շրջանակներում անհրաժեշտ աշխատանքների մասին ողջույնի իր խոսքում ընդգծել է նաև Էդիթ Մեդնեն: Կողմերը քննարկել են համագործակցությանն առնչվող հարցեր:

Հանդիպման ավարտին կողմերը փոխանակվել են նվերներով։

Արմենուհի Մխոյան

Տեղադրություն

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում