Հայաստանի բասկետբոլի ընտրանին կմասնակցի 3x3 Եվրոպայի առաջնության ընտրական փուլին
1 րոպեի ընթերցում
![Հայաստանի բասկետբոլի ընտրանին կմասնակցի 3x3 Եվրոպայի առաջնության ընտրական փուլին](http://armenpress.am/resized/480/static/news/b/2024/05/1138330.jpg)
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Հայաստանի բասկետբոլի տղամարդկանց թիմը կմասնակցի Եվրոպայի 3x3 առաջնության որակավորման փուլին:
«Արմենպրես»-ի հաղորդմամբ` այս մասին հայտնում է Հայաստանի բասկետբոլի ֆեդերացիան:
Հայաստանի տղամարդկանց հավաքականն ընդգրկվել է 1-ին ենթախմբում, որտեղ նրա մրցակիցները կլինեն 8 թիմեր: Հայ բասկետբոլիստներն ուժերը չափելու են Կոսովոյի, Ալբանիայի, Անդորրայի, Ադրբեջանի, Կիպրոսի, Իռլանդիայի, Լյուքսեմբուրգի և Մալթայի ընտրանիների հետ: 1-ին ենթախմբի հանդիպումները կայանալու են հունիսի 8-ից 9-ը Կոսովոյում: Գլխավոր մարզիչ Արեգ Վաթյանի գլխավորությամբ մրցավայր կմեկնեն հետևյալ խաղացողները՝ Յուրա Մելիքյան, Տիգրան Մկրտումյան, Սամվել Գևորգյան, Մարատ Միքայելյան: