Ռուսաստանի և Հայաստանի միջև առևտրում ընդհատումներ չկան․ Ալեքսեյ Օվերչուկ

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Ռուսաստանի Դաշնության փոխվարչապետ Ալեքսեյ Օվերչուկը հայտարարել է, որ Երևանի և Մոսկվայի միջև առևտրում խնդիրներ և ընդհատումներ չկան։

«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով ՌԴ փոխվարչապետի հայտարարությունն՝ ի պատասխան երկրների առևտրային հարաբերությունների մասին հարցի։

«Բացարձակապես ոչ մի ընդհատում չկա։ Վերին Լարսը լավ է աշխատում։ Առևտրի, տնտեսության մեջ ամեն ինչ լավ է»,- ասել է Օվերչուկը։