Երևանի մետրոպոլիտենի որոշ կայարաններում փորձարկվում են անցակետերի նոր անցարգելներ՝ նոր վճարային համակարգով

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Երևանի մետրոպոլիտենում հիմնովին փոխարինվում են վճարային համակարգերը։

«Արմենպրես»-ի հաղորդմամբ` այս մասին հայտնում են Երևանի մետրոպոլիտենից։

«Արդեն «Բարեկամություն», «Մարշալ Բաղրամյան» և «Երիտասարդական» կայարաններում տեղադրվել և փորձարկվում են անցակետերի նոր անցարգելներ` նոր վճարային համակարգով։

49 անցակետի անցարգելներ կտեղադրվեն մոտակա մեկ ամսվա ընթացքում բոլոր կայարաններում։ Վճարային նոր համակարգից արդեն օգտվել է 15 հազար 743 ուղևոր»,-նշվում է հաղորդագրության մեջ: