Երևանում մեկնարկում է ՎԶԵԲ տարեկան հանդիպումը և գործարար համաժողովը

ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ։ Երևանում մայիսի 14-ին մեկնարկում է Վերակառուցման և զարգացման եվրոպական բանկի (ՎԶԵԲ) 33-րդ տարեկան հանդիպումը և գործարար համաժողովը:

Միջոցառմանն ընդգրկուն կազմով է մասնակցում ՀՀ ֆինանսների նախարարությունը՝ գերատեսչության ղեկավար Վահե Հովհաննիսյանի գլխավորությամբ: Նախարարության ներկայացուցիչների հանդիպումների շարքը մեկնարկել է նախարար Հովհաննիսյանի և ՎԶԵԲ տնօրենների խորհրդի անդամ Յան Վիլեմ վան դեն Ուոլ Բեյքի հանդիպումով:

«Սա շատ լավ առիթ է Հայաստանը ներկայացնելու որպես ներդրումների համար լավ միջավայր, ինչպես նաև դիրքավորվելու որպես տեխնոլոգիական ոլորտի տարածաշրջանային առաջատար երկիր»,- նշել է Վահե Հովհաննիսյանը:

Համաժողովի առաջին օրը, ինչպես նշվում է ՎԶԵԲ տարածած հաղորդագրությունում, անցկացվում է TUMO Center for Creative Technologies ընկերության և Ջացեկ Կուբասի հետ:

Հիմնական ելույթներով հանդես են գալու Նուբար Աֆեյանը և Microsoft-ը ներկայացնող Բեն Քրամփթոնը: Զուգահեռ լինելու են քննարկումներ Հարավային Կովկասի դերի, կայուն առևտրի, էներգետիկայի և լոգիստիկայի զարգացման մասին:

«Դվին» համալիրում այսօր ելույթ են ունենալու բարձր մակարդակի խոսնակներ Օդիլ Ռենաուդ-Բասսոն, Ֆրենսիս Մալիջը և Ռուդոլֆ Փին:

ՔՀԿ-ի ծրագիրը կարևոր քննարկում է ունենալու նոր բնապահպանական և սոցիալական քաղաքականության ու տեղեկատվական քաղաքականության հասանելիության վերաբերյալ:

ՎԶԵԲ-ի կայունության միջոցառումը կոչված է ցուցադրելու Բանկի ուշադրությունը կանաչ աճի և կայունության հիմնական ոլորտներում նրա առաջնորդությունը: Սպասվում է ՎԶԵԲ կայունության այս տարվա մրցանակաբաշխությունը:

Համաշխարհային ֆինանսատնտեսական միջավայրում առանցքային իրադարձություններից համարվող այս համաժողովում բարձր մակարդակով երկխոսություն է ծավալվելու ոլորտի արդիական թեմաների շուրջ, կայացվելու են Բանկի զարգացման ռազմավարական հարցերի վերաբերյալ որոշումներ:

Երևանյան համաժողովին սպասվում է շուրջ 2000 պատվիրակի մասնակցություն: