ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ։ Էջմիածնում բերման ենթարկված անձինք 6 ժամ անց ազատ են արձակվել։ «Արմենպրես»-ի հաղորդմամբ՝ այս մասին հայտնել է փաստաբան Ռուբեն Մելիքյանը։
Նա նշել է, որ ձերբակալվածներից որևէ մեկի մոտ զենք կամ արգելված այլ առարկա չի հայտնաբերվել։
Ավելի վաղ Ներքին գործերի նախարարությունը հայտնել էր, որ Էջմիածնից 6 անձ բերման է ենթարկվել զենք-զինամթերք պահելու, կրելու կասկածանքով: Ըստ շրջանառվող տեղեկությունների՝ նշված անձինք պատրաստվել էին մասնակցել անհնազանդության ակցիաների։