Մաշտոցի պողոտայից Հաղթանակի կամուրջ և հակառակ ուղղությամբ ճանապարհահատվածը մայիսի 11-ի առանձին ժամերի փակ կլինի
1 րոպեի ընթերցում
![Մաշտոցի պողոտայից Հաղթանակի կամուրջ և հակառակ ուղղությամբ ճանապարհահատվածը մայիսի 11-ի առանձին ժամերի փակ կլինի](http://armenpress.am/resized/480/static/news/b/2024/05/1136659.jpg)
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Մաշտոցի պողոտայից Հաղթանակի կամուրջ տանող թունելի՝ հին lլեդ լույսերը նորերով փոխարինման աշխատանքներով պայմանավորված՝ մայիսի 11-ին՝ ժամը 09։00-13։00-ը նշված ճանապարհահատվածը փակ կլինի, իսկ 13։00-18։00-ն ընկած ժամանակահատվածում փակ կլինի հակառակ ուղղությունը՝ Հաղթանակի կամրջից դեպի Մաշտոցի պողոտա: Պատճառվող ժամանակավոր անհարմարության համար հայցում ենք ձեր ներողամտությունը:
Ինչպես «Արմենպրես»-ին տեղեկացրին Երևանի քաղաքապետարանից, նշված ժամերին ներհամայնքային ավտոբուսային (միկրոավտոբուսային) երթուղիների աշխատանքը կկազմակերպվի համապատասխանաբար՝ Մաշտոցի պողոտա – Սուրբ Գրիգոր Լուսավորչի – Արգիշտիի փողոցներ – «Հաղթանակ» կամուրջ ուղեգծով, և «Հաղթանակ» կամուրջ – Արգիշտիի – Սուրբ Գրիգոր Լուսավորչի փողոցներ – Մաշտոցի պողոտա ուղեգծով: