ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ։ Հարավային Կովկասի և Վրաստանի ճգնաժամի հարցերով Եվրոպական միության ներկայացուցիչ Տոյվո Կլաարը համարում է, որ ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են։
«Արմենպրես»-ի հաղորդմամբ՝ այս մասին Կլաարը գրառում է կատարել X-ի իր միկրոբլոգում։
«Սահմանների սահմանազատման վերաբերյալ անհրաժեշտ են իրական բանակցություններ, և բոլոր տարածքային վեճերը պետք է լուծվեն խաղաղ ճանապարհով ու համաձայնեցված գործընթացի շրջանակներում»,-գրել է նա։