Հայ գրոսմայստերները շարունակում են պայքարը «Aeroflot Open 2024»-ում

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Հայաստանը ներկայացնող շախմատիստները շարունակում են պայքարը «Aeroflot Open 2024»-ում:

«Արմենպրես»-ի հաղորդմամբ` 4 խաղափուլից հետո մրցաշարի առաջատարներն են ռուս գրոսմայստերներ Ալեքսանդր Գրիշչուկը և Իլյա Իլյուշենոկը, ովքեր ունեն 3.5 միավոր:

Հայ գրոսմայստերներ Հովիկ Հայրապետյանը, Հայկ Մարտիրոսյանը, Սամվել Տեր-Սահակյանը և Մանուէլ Պետրոսյանն ունեն 3 միավոր և գտնվում են համապատասխանաբար 3-րդ, 11-րդ, 12-րդ և 16-րդ հորիզոնականներում:

ՖԻԴԵ-ի վարպետներ Էրիկ Հակոբյանը և Ալեքս Սահակյանն ունեն 2.5 միավոր: