Հայաստանի ԱԺ նախագահը դեմ չէ Ադրբեջանի ու Թուրքիայի հետ խաղաղ ապրելուն

ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Ազգային ժողովի նախագահ Ալեն Սիմոնյանը դեմ չէ, որ Հայաստանը Թուրքիայի ու Ադրբեջանի հետ խաղաղ ապրի:

«Արմենպրես»-ի փոխանցմամբ՝ Սիմոնյանը նման կարծիք հայտնեց խորհրդարանում լրագրողների հետ զրույցում:

«Բոլոր երկրներն էլ պետք է իրար հետ խաղաղ ապրեն: Եվ ես դեմ չեմ Ադրբեջանի և Թուրքիայի հետ խաղաղ ապրելուն»,-ասաց ԱԺ նախագահը: