1 րոպեի ընթերցում
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականի անդամ Մալխաս Ամոյանը դարձավ Եվրոպայի առաջնության եռակի ոսկե մեդալակիր:
«Արմենպրես»-ի հաղորդմամբ` Ռումինիայի մայրաքաղաք Բուխարեստում ընթացող հունահռոմեական ոճի ըմբշամարտի Եվրոպայի առաջնության 77 կգ քաշային կարգի եզրափակիչում Մալխաս Ամոյանը մրցեց թուրք Էմրե Բասարի հետ: Ամոյանը հաղթեց 7:0 հաշվով և երրորդ անգամ նվաճեց Եվրոպայի ոսկե մեդալը:
Մալխաս Ամոյանը Եվրոպայի չեմպիոն դարձել էր նաև 2022 և 2023 թվականներին: Նա նաև 2021 թվականի աշխարհի չեմպիոն է: Ամոյանն իրավունք է ստացել մասնակցելու Փարիզի 33-րդ ամառային Օլիմպիական խաղերին:
Մինչ այս Հայաստանի հավաքականի կազմում 55 կգ քաշային կարգում Եվրոպայի առաջնության բրոնզե մեդալ էր նվաճել Մանվել Խաչատրյանը:
Փետրվարի 14-ին Եվրոպայի առաջնության 7-րդ ոսկե մեդալի համար կպայքարի Օլիմպիական խաղերի ոսկե մեդալակիր Արթուր Ալեքսանյանը: