Փրկարարներն իրականացնում են սառցալեզվակների հեռացման աշխատանքներ

ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ։ Առատ ձյան տեղումներով և ջերմաստիճանի կտրուկ նվազեցմամբ պայմանավորված՝ հունվարի 26-ից 28-ը Երևան քաղաքի Արաբկիր, Կենտրոն, Նոր Նորք, Քանաքեռ-Զեյթուն, Ավան, Աջափնյակ, Մալաթիա-Սեբաստիա վարչական շրջաններում փրկարարներն իրականացրել են կամուրջներից, թունելներից և վերգետնյա անցումներից կախված սառցալեզվակների հեռացման աշխատանքներ։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, սառցալեզվակների վերացման աշխատանքները շարունակվում են: