Ռուսաստանի և Իրանի արտգործնախարարները քննարկել են իրադրությունը Հարավային Կովկասում
1 րոպեի ընթերցում
![Ռուսաստանի և Իրանի արտգործնախարարները քննարկել են իրադրությունը Հարավային Կովկասում](http://armenpress.am/resized/480/static/news/b/2023/12/1127005.jpg)
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Իրանի արտաքին գործերի նախարար Հոսեյն Ամիր Աբդոլլահիանն իր ռուսաստանցի պաշտոնակից Սերգեյ Լավրովի հետ քննարկել է երկրների միջև հարաբերությունների հրատապ հարցեր, ինչպես նաև իրադրությունը Հարավային Կովկասում։
Ինչպես հաղորդել է Իսլամական Հանրապետության արտաքին գործերի նախարարությունը, հեռախոսազրույցի ընթացքում նախարարները քննարկել են «Հարավային Կովկասի վերջին իրադարձությունները, համագործակցության և երկկողմ հարաբերությունների ընթացիկ վիճակը, ինչպես նաև տարածաշրջանային և միջազգային օրակարգի որոշ հարցեր»:
«Արմենպրես»-ի փոխանցմամբ՝ Իրանի արտաքին գործերի նախարարության հայտարարության մեջ նշված է, որ Աբդոլլահիանը «ողջունել է Ադրբեջանի և Հայաստանի միջև բանակցությունները կայուն խաղաղության համաձայնագրի ձեռքբերման շուրջ և ընդգծել Իրանի Իսլամական Հանրապետության աջակցությունը տարածաշրջանում խաղաղությանն ու կայունությանը»։