368.54
Ալեն Սիմոնյանը հորդորում է չշտապել Լարսում առաջացած խնդրին քաղաքական ենթատեքստ տալու հարցում
1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ազգային ժողովի նախագահ Ալեն Սիմոնյանը հորդորում է չշտապել ու Վերին Լարսի անցակետում հայկական բեռնատարների համար առաջացած խնդրին քաղաքական ենթատեքստ չտալ:
«Արմենպրես»-ի հաղորդմամբ՝ Ալեն Սիմոնյանը նման դիրքորոշում հայտնեց ԱԺ-ում լրագրողների հետ ճեպազրույցում
«Իմ ունեցած տեղեկություններով տեղի է ունեցել այդ սահմանակետում ծառայություն իրականացնող մարմինների հերթափոխի փոփոխություն»,-ասաց Սիմոնյանը:
ԱԺ նախագահի տեղեկությամբ՝ նման իրավիճակ է ստեղծվել նաև Ադրբեջանի հետ սահմանի հատվածում:
«Չեմ բացառում, որ կարող է քաղաքական դրդապատճառ լինել, բայց խնդրում եմ չշտապել և նման հետևություններ չանել»,-ասաց Ազգային ժողովի նախագահը:
Վերջին օրերին Լարսի անցակետում հայկական բեռնատարները խնդիրների են բախվել։ Հայաստանի տարբեր պաշտոնյաներ հաստատել են, որ հայկական բեռնատարների հետ կապված Լարսի անցակետում խնդիրներ կան։ Ռուսական կողմի պարզաբանման համաձայն՝ իրականացվում են խստացված ստուգումներ։ Արտահանում իրականացնող բազմաթիվ հայկական բեռնատարներ այս պահին հերթի մեջ են Լարսի անցակետում։
Բաժանորդագրվեք մեր ալիքին Telegram-ում