Դաշնակահար Հայկ Մելիքյանն ու ջութակահար Անուշ Նիկողոսյանը համերգով կնշանավորեն Բրամսի հոբելյանը

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Ականավոր գերմանացի կոմպոզիտոր, դաշնակահար, դիրիժոր Յոհաննես Բրամսի 190-ամյակի առթիվ դաշնակահար Հայկ Մելիքյանն ու ջութակահար Անուշ Նիկողոսյանը հանդես կգան համերգային ծրագրով:

«Արմենպրես»-ի հաղորդմամբ՝ երեկոն տեղի կունենա նոյեմբերի 17-ին Կոմիտասի անվան կամերային երաժշտության տանը:

Կհնչեն Բրամսի կամերային գոհարներն ու Վոլֆգանգ Րիմի Klavierstück 6 ստեղծագործությունը։

Համերգը կազմակերպել են ՀայաստանումԳերմանիայի Դաշնության դեսպանությունը և Կամերային երաժշտության ազգային կենտրոնը։