1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ։ Rockstar Games ընկերությունը տեղեկացրել է Grand Theft Auto 6 խաղի առաջին թրեյլերի թողարկման ժամկետների մասին: Ինչպես տեղեկացնում է«Արմենպրես»-ը, համապատասխան հայտարարությունը, որը ստորագրել է ընկերության նախագահ Սեմ Հաուզերը, հրապարակվել է Rockstar Games-ի X-ի միկրոբլոգում։
Ըստ Հաուզերի, թրեյլերը կհայտնվի դեկտեմբերի սկզբին:
Նախօրեին Bloomberg գործակալությունը, հղում անելով իր աղբյուրներին, գրել էր, որ առաջիկա օրերին կկայանա խաղի պաշտոնական անոնսը, իսկ թրեյլերի թողարկումը նվիրված կլինի Rockstar Games-ի 25-ամյակին: