Բաքվի դատարանի կայացրած որոշումը հակասում է ցանկացած նորմի. ՀՀ ԱԳՆ մամուլի խոսնակ

ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ։ Բաքվի դատարանի կայացրած որոշումը հակասում է ցանկացած նորմի, այդ թվում՝ միջազգային մարդասիրական իրավունքին:

«Արմենպրես»-ի տեղեկացմամբ՝ այս մասին X սոցիալական ցանցի հարթակում գրել է ՀՀ արտաքին գործերի նախարարի մամուլի քարտուղար Անի Բադալյանը` ԼՂ-ի 68-ամյա բնակչին 15 տարվա ազատազրկման դառապարտելու Բաքվի դատարանի կայացրած որոշումն ամվանելով բոլոր նորմերի լիակատար անտեսման ցուցադրում։

«Չնայած ցանկացած կեղծ մեղադրանքի բացահայտ մերժմանը, ԼՂ-ի 68-ամյա բնակիչը «դատապարտվել» է 15 տարվա ազատազրկման Բաքվում ավելի քան մեկ ամիս բեմադրված շոուից հետո: Մենք ընդգծում ենք, որ դա հակասում է ցանկացած նորմի, այդ թվում՝ միջազգային մարդասիրական իրավունքին»,- գրել է նա:

Անհետաձգելի բուժօգնություն ստանալու համար Լեռնային Ղարաբաղից «Կարմիր Խաչի» միջոցով Հայաստան տեղափոխվող Վագիֆ Խաչատրյանին Ադրբեջանի սահմանապահ ծառայության աշխատակիցները առևանգել և Բաքու են տեղափոխել 2023թ. հուլիսի 29-ին։ Ադրբեջանի դատախազությունը նրան մի շարք շինծու մեղադրանքներ էր առաջադրել։ ԼՂ բնակիչ, 68-ամյա Վագիֆ Խաչատրյանին նոյեմբերի 7-ին Բաքվի դատարանը դատապարտեց 15 տարվա ազատազրկման։