Գերմանիայի ԱԳՆ-ն մտահոգություն է հայտնել Լեռնային Ղարաբաղում հայ բնակչության վիճակի համար

2 րոպեի ընթերցում

ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Գերմանիայի իշխանություններն ուշադիր հետևում են Լեռնային Ղարաբաղում տիրող իրավիճակին և մտահոգված են տարածաշրջանում հայ բնակչության վիճակով։

Ինչպես հաղորդում է «Արմենպրես»-ը, վկայակոչելով «ՏԱՍՍ»-ին, այս մասին լրագրողների հետ ճեպազրույցում հայտարարել է Գերմանիայի ԱԳՆ ներկայացուցիչը։

«Մենք շատ ուշադիր հետևում էինք իրավիճակին հանգստյան օրերին և շատ մտահոգված ենք Լեռնային Ղարաբաղում հայ բնակչության վիճակով»,- ասել է նա և անընդունելի համարել նախորդ շաբաթ Լեռնային Ղարաբաղի նկատմամբ Ադրբեջանի կողմից ռազմական ուժի կիրառումը: Էթնիկ հայերի վտարումը կամ բռնի վերաբնակեցումն անընդունելի են», - հայտարարել է Գերմանիայի ԱԳՆ ներկայացուցիչը։

Ըստ նրա՝ Ադրբեջանի իշխանությունները պետք է ապահովեն Լեռնային Ղարաբաղում խաղաղ բնակչության իրավունքների պաշտպանությունը և զինված ուժերի կողմից միջազգային մարդասիրական իրավունքի պահպանումը։ «Այս քայլերով մենք եզրակացության կգանք Ադրբեջանի մասին»,- հավելել է ԱԳՆ ներկայացուցիչը։ Նա ընդգծել է, որ Լեռնային Ղարաբաղում ՌԴ խաղաղապահները նույնպես պարտավոր են նպաստել խաղաղ բնակչության պաշտպանության ապահովմանը:

Նա հիշեցրել է, որ տարածաշրջանում աշխատում են ԵՄ դիտորդները։ «ԵՄ առաքելությունը գործում է միայն սահմանի հայկական կողմում և չի կարող զեկուցել Լեռնային Ղարաբաղից», - ընդգծել են ԱԳՆ-ում:

Հայերեն English Русский

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա

Հայաստանն ԱԲ ոլորտում կարող է համաշխարհային թատերաբեմ դուրս գալ․ ՀՀ վարչապետի և NVIDIA-ի փոխնախագահի մասնակցությամբ քննարկում է անցկացվել

Նոյեմբերի 23-ի միջոցառումների անոնս