Էստոնիան Լեռնային Ղարաբաղում ռազմական գործողությունները դադարեցնելու կոչ է արել Ադրբեջանին
1 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ։ Էստոնիայի ԱԳՆ-ն հայտարարություն է տարածել՝ հորդորելով Ադրբեջանին դադարեցնել ռազմական գործողությունները Լեռնային Ղարաբաղում, որի հետևանքով զոհվել է 25, վիրավորվել՝ 138 մարդ։
«Ղարաբաղի շրջանից ստացվող մտահոգիչ լուրերը պահանջում են, որ անհապաղ գործի անցնենք։ Կոչ ենք անում Ադրբեջանին դադարեցնել ռազմական գործողությունները՝ ճանապարհ հարթելով քննարկումների և խաղաղ կարգավորման համար՝ խուսափելու մարդկային կյանքերի հետագա կորուստներից»,- «Արմենպրես»-ի փոխանցմամբ, ասվում է Էստոնիայի ԱԳՆ հայտարարության մեջ։