388.16
Մեկնարկել է Հայաստանի և Բելգիայի ԱԳ նախարարների առանձնազրույցը
1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Բելգիայի Թագավորության ԱԳ նախարար Հաջա Լահբիբը ժամանել է Հայաստանի Հանրապետության արտաքին գործերի նախարարություն, որտեղ նրան դիմավորել է ՀՀ ԱԳ նախարար Արարատ Միրզոյանը:
Ինչպես «Արմենպրես»-ը տեղեկանում է Հայաստանի արտաքին գերատեսչության տարածած հաղորդագրությունից, այս պահին տեղի է ունենում երկու երկրների ԱԳ նախարարների առանձնազրույցը, որին կհաջորդի ընդլայնված կազմով հանդիպումը:
Բելգիայի արտաքին գործերի նախարարը Հայաստան է ժամանել օգոստոսի 22-ին։ Այցի շրջանակներում նա հանդիպումներ կունենա Հայաստանի նախագահ Վահագն Խաչատուրյանի, վարչապետ Նիկոլ Փաշինյանի, արտաքին գործերի նախարար Արարատ Միրզոյանի հետ։ Հայաստանի և Բելգիայի ԱԳ նախարարները հանդիպումից հետո հանդես կգան մամուլի ասուլիսով։
