Պետք է դադարեցնել կրակոցները բոլոր հատվածներում. Տոյվո Կլաարը` Հայաստան-Ադրբեջան սահմանի վերջին լարվածության վերաբերյալ
1 րոպեի ընթերցում
![Պետք է դադարեցնել կրակոցները բոլոր հատվածներում. Տոյվո Կլաարը` Հայաստան-Ադրբեջան սահմանի վերջին լարվածության վերաբերյալ](http://armenpress.am/resized/480/static/news/b/2023/06/1113284.jpg)
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ։ Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը հանդես է եկել հայտարարությամբ Հայաստան-Ադրբեջան սահմանի վերջին լարվածության վերաբերյալ:
«Արմենպրես»-ի հաղորդմամբ՝ այս մասին Կլաարը գրառում է կատարել Թվիթերի իր միկրոբլոգում
«Եվրամիությունն ուշադիր հետևում է տարածաշրջանում տեղի ունեցող զարգացումներին: Պետք է դադարեցնել կրակոցները բոլոր հատվածներում։ Կարևոր է պահպանել հանդիպումների դրական դինամիկան և բանակցությունների սեղանի շուրջ հասնել այնպիսի արդյունքների, որից կշահեն Հայաստանը, Ադրբեջանն ու ողջ տարածաշրջանը»,- գրել է նա: