Հայ հիմնադիրներ ունեցող DISQO-ին Data Awards-ը ճանաչել է 2023-ի տվյալների հետազոտության լավագույն լուծում
1 րոպեի ընթերցում
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Data Awards-ը հայ հիմնադիրներ ունեցող DISQO ընկերությանը ճանաչել է տարվա լավագույն տվյալների հետազոտության լուծում։ «Արմենպրես»-ն այս մասին տեղեկացավ ընկերությունը «Լինկդին»-ից:
DISQO-ի CX հարթակը ճանաչվել է աշխարհում լավագույնը յուրաքանչյուր հաճախորդի համար սպառողների վերաբերմունքի և վարքագծի վերաբերյալ խորը վերլուծություններ առաջարկելու համար:
Ընկերության ամպային տեխնոլոգիաների վրա հիմնված չափման և շուկայի հետազոտության գործիքակազմն ու API տեխնոլոգիաները սպառողական վերլուծություններ են տրամադրում խոշորագույն հետազոտական ընկերությունների, առաջատար գովազդային գործակալությունների ու մեդիա հարթակների։