Երևանի մետրոյի Աջափնյակի կայարանի նախագծման առաջին փուլի աշխատանքները պատրաստ են. Ավինյան
1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Երևանի մետրոպոլիտենի Աջափնյակի կայարանի նախագծման առաջին փուլի աշխատանքները պատրաստ են։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել Երևանի փոխքաղաքապետ Տիգրան Ավինյանը։
«Կայարանի ամբողջական նախագիծը պատրաստ կլինի մինչև տարվա վերջ, շինարարությունը կտևի 4 տարի։
Աջափնյակի կայարանի կառուցումը կավելացնի մետրոյով ուղեւորափոխադրումները մոտ 20%-ով և կլինի առաջին մեծ քայլը մետրոպոլիտենի ընդլայնման ուղղությամբ։
Սիրելի աջափնյակցինե՛ր,
Սիրելի երևանցինե՛ր,
Ի հեճուկս բոլոր թերահավատների, Աջափնյակի կայարանը կառուցվելո՛ւ է»,- ընդծել է փոխքաղաքապետ Ավինյանը։