1 րոպեի ընթերցում
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Հայկական Ucraft կայքերի ստեղծման հարթակը Crozdesk-ի կողմից ճանաչվել է 2023 թվականի աշխարհի լավագույն 20 ծրագրային պրոդուկտներից մեկը։ «Արմենպրես»-ի փոխանցմամբ՝ այս մասին ընկերությունը հայտնել է «Լինկդին» հարթակում:
Ucraft-ը կայքերի պատրաստման հարթակ է, որտեղ հնարավոր է առանց ծրագրավորման և դիզայնի հմտությունների ստեղծել պրոֆեսիոնալ կայքեր մեծ և միջին բիզնեսների համար՝ պորտֆոլիո, բլոգ, օնլայն խանութ: Հարթակը հնարավորություն է տալիս օգտագործել խմբագրման պարզ ու արդյունավետ գործիքներ՝ անկախ ոլորտից։
Ucraft-ի հետ մեկտեղ Crozdesk-ի վարկանշում են ընդգրկվել նաև WordPress-ը, SquareSpace-ը Wix-ը, Webly-ն և այլն։
Crozdesk-ը վերլուծում է ծրագրային ապահովման հազարավոր վաճառողների և օգնում միլիոնավոր ձեռնարկություններին ամբողջ աշխարհում բարձրացնել իրենց արտադրողականությունը: