Միջազգային

Հունաստանի իշխանությունները եվրոպացի դեսպաններին ցույց են տվել Թուրքիայի հետ սահմանի արգելապատը

4 րոպեի ընթերցում

Հունաստանի իշխանությունները եվրոպացի դեսպաններին ցույց են տվել Թուրքիայի հետ սահմանի արգելապատը

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Հունաստանի իշխանությունները Եվրամիության 27 երկրների, Շենգենյան համաձայնագրի երկրների և Մեծ Բրիտանիայի դեսպաններին ծանոթացրել են Թուրքիայի հետ ցամաքային սահմանի պահպանությանը, անօրինական միգրացիայի դեմ պայքարի միջոցներին և ցույց են տվել սահմանի արգելապատը. ուղևորությունը կազմակերպել է Հունաստանի քաղաքացիների պաշտպանության նախարարությունը: Դեսպաններն այցելել են նաև Ալեքսանդրուպոլիս նավահանգիստ, որով ռազմական տեխնիկա է մատակարարվում Ուկրաինա և Արևելյան Եվրոպա, տեղեկացնում է «Արմենպրես»-ը՝ հղում անելով «ՌԻԱ Նովոստի»-ին:

Քաղաքացիների պաշտպանության նախարար Տակիս Թեոդորիկակոսը դեսպաններին պատմել է, որ անօրինական ներգաղթը սահմանափակելու նպատակով Հունաստանի կառավարությունը որոշել է ուժեղացնել պաշտպանության միջոցները սահմաններին և «Ակրիտաս» նախագծով սկսում է առաջին փուլում ևս 35 կմ արգելապատ կառուցել Թուրքիայի հետ ցամաքային սահմանին՝ Էվրոսում: Նախագծի բյուջեն կազմում է 100 մլն եվրո և ամբողջությամբ ծածկվում է Հունաստանի պետական բյուջեի հաշվին։

Սահմանին արդեն 37,5 կմ երկարությամբ արգելապատ է կառուցվել, այն ցույց են տվել դեսպաններին։

«Եվրոպական պետությունների և նրանց քաղաքացիների անվտանգությունն անհրաժեշտ պայման է ապօրինի ներգաղթի դեմ պայքարի և, հետևաբար, արտաքին սահմանների պաշտպանության համար այստեղ՝ Էվրոսում: Այդ իսկ պատճառով նախագիծը կարիք ունի ոչ միայն հունական պետության, այլև եվրոպական հասարակական կարծիքի, ինչպես նաև հենց Եվրամիության և եվրոպական պետությունների՝ առանձին-առանձին, աջակցության կարիքը։ Այսօրվա հանդիպումն այստեղ միասնության և համերաշխության ազդանշան է ուղարկում և արտահայտում Թուրքիայի հետ եվրոպական սահմանների արդյունավետ պահպանության, միջազգային իրավունքի կիրառման մեր ընդհանուր կամքը, ինչպես նաև տարածաշրջանում կայունության և համագործակցության մեր վճռականությունը»,- ասել է Թեոդորիկակոսը:

Նախարարի տվյալներով՝ 2022-ին Հունաստանում կանխվել է 260 հազար անօրինական ներգաղթյալների անօրինական մուտքը Եվրոպա, ձերբակալվել է մոտ 1500 մարդավաճառ։

«Միայն այս տարվա՝ 2023-ի առաջին 14 օրվա ընթացքում հունական ոստիկանությունը Էվրոսի շրջանում ձերբակալել է 26 մարդավաճառի, այս ընթացքում սահմանը ամեն օր, նույնիսկ ձմռան կեսին, փորձում է հատել 300-400 մարդ»,- ասել է նախարարը։

Նրա խոսքով՝ այսօր տարածաշրջանում ծառայում է 1800 սահմանապահ, 2023-ին սահմանապահ ծառայությունը կուժեղացվի ևս 400-ով, 250-ը աշխատանքի կանցնեն փետրվարին։

Թեոդորիկակոսը դեսպաններին հայտարարել է, որ 2022-ին Հունաստանի և Թուրքիայի միջև կղզյակում հնգամյա աղջկա մահվան մասին լուրերը սուտ են, և ոմանք «մարդկային տառապանքները շահագործում են» քաղաքական նպատակներով։

Պաշտոնյան Թուրքիայի վրա է դրել սահմանին տիրող բարդ իրավիճակի պատասխանատվությունը։ «Ցավոք, հարևան երկիրը ոչ միայն միջոցներ չի ձեռնարկում հոսքերն արդյունավետորեն կանխելու համար, ինչպես նախատեսված է 2016 թվականի մարտի 18-ի ԵՄ-Թուրքիա համատեղ հռչակագրում, այլև դրա փոխարեն խրախուսում է միգրանտներին գալ մեր սահմանների մոտ»,- ասել է նա։

Ալեքսանդրուպոլիս նավահանգստում դեսպաններին պատմել են տարածաշրջանի, Բալկանների և, ընդհանրապես, Եվրոպայի համար քաղաքի և դրա նավահանգստի կարևորության մասին։

Ալեքսանդրուպոլիս նավահանգիստը խոշորագույնն Է դարձել դեպի Արևելյան Եվրոպա և ուկրաինա ամերիկյան ռազմական տեխնիկայի տարանցման համար։ Ըստ ԶԼՄ-ների՝ միայն հուլիսին այնտեղ է ուղարկվել 2500 ռազմական մեքենա և այլ տեսակի սպառազինություն: 2022-ի դեկտեմբերին ԱՄՆ-ն Ալեքսանդրուպոլիսով ռազմական տեխնիկայի 19 երկաթուղային շարժակազմ է ուղարկել Եվրոպա։

Դեսպան Մկրտչյանը Սալոնիկի նավահանգստի ղեկավարությանը համագործակցության հեռանկարներին տեղում ծանոթանալու համար հրավիրել է Հայաստան

Տնտեսություն

Դեսպան Մկրտչյանը Սալոնիկի նավահանգստի ղեկավարությանը համագործակցության հեռանկարներին տեղում ծանոթանալու համար հրավիրել է Հայաստան

Կլինեն համագործակցության նոր տարրեր, որոնք կնպաստեն Հայաստանի անվտանգությանը. ԵՄ դեսպան

Քաղաքականություն

Կլինեն համագործակցության նոր տարրեր, որոնք կնպաստեն Հայաստանի անվտանգությանը. ԵՄ դեսպան

Կարիբյան ծովում կոկաինով բեռնված առագաստանավի կալանումից հետո 50 մարդ է ձերբակալվել

Եվրոպա

Կարիբյան ծովում կոկաինով բեռնված առագաստանավի կալանումից հետո 50 մարդ է ձերբակալվել

Գերմանիայի, Իսպանիայի և Ֆրանսիայի ռազմաօդային ուժերի խումբը վարժանքներ է անցկացնում Ճապոնիայում

Եվրոպա

Գերմանիայի, Իսպանիայի և Ֆրանսիայի ռազմաօդային ուժերի խումբը վարժանքներ է անցկացնում Ճապոնիայում

Հայաստանի վարչապետն ու Գերմանիայի կանցլերը կարևորել են երկու երկրների միջև քաղաքական համագործակցության զարգացումը

Արտաքին քաղաքականություն

Հայաստանի վարչապետն ու Գերմանիայի կանցլերը կարևորել են երկու երկրների միջև քաղաքական համագործակցության զարգացումը

Հայաստանի վարչապետն ու Ֆրանսիայի նախագահը Բլենհայմյան պալատում հանդիպում են ունեցել

Արտաքին քաղաքականություն

Հայաստանի վարչապետն ու Ֆրանսիայի նախագահը Բլենհայմյան պալատում հանդիպում են ունեցել

ՀՀ ԱԺ արտաքին հարաբերությունների մշտական հանձնաժողովի նախագահն ընդունել է Ալբանիայի ԱԳՆ պատվիրակությանը

Պաշտոնական

ՀՀ ԱԺ արտաքին հարաբերությունների մշտական հանձնաժողովի նախագահն ընդունել է Ալբանիայի ԱԳՆ պատվիրակությանը

Հայաստանի և Ալբանիայի արտաքին գործերի նախարարությունները քաղաքական խորհրդակցություններ են անցկացրել

Արտաքին քաղաքականություն

Հայաստանի և Ալբանիայի արտաքին գործերի նախարարությունները քաղաքական խորհրդակցություններ են անցկացրել

Նիկոլ Փաշինյանը ոչ ֆորմալ հանդիպումներ է ունեցել միջազգային գործընկերների հետ

Պաշտոնական

Նիկոլ Փաշինյանը ոչ ֆորմալ հանդիպումներ է ունեցել միջազգային գործընկերների հետ

Նիկոլ Փաշինյանը և Պեդրո Սանչեսը քննարկել են Հայաստան-Իսպանիա համագործակցության հետագա զարգացմանը վերաբերող հարցեր

Վարչապետ

Նիկոլ Փաշինյանը և Պեդրո Սանչեսը քննարկել են Հայաստան-Իսպանիա համագործակցության հետագա զարգացմանը վերաբերող հարցեր

Միրզոյանը և Լամմին անդրադարձել են ՀՀ-ՄԹ հարաբերությունների խորացման հնարավորություններին

Արտաքին քաղաքականություն

Միրզոյանը և Լամմին անդրադարձել են ՀՀ-ՄԹ հարաբերությունների խորացման հնարավորություններին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում