1 րոպեի ընթերցում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Հայաստանում առաջիկայում կհայտարարվի ազգային վենչուրային ֆոնդի բացման մասին: Ֆոնդի ընդհանուր ծավալը 18 մլն ԱՄՆ դոլարին համարժեք դրամ է, որից 9 մլն-ը ներդնում է պետությունը:
«Արմենպրես»-ի հետ զրույցում բարձր տեխնոլոգիական արդյունաբերության նախարար Ռոբերտ Խաչատրյանը նշեց, որ առաջիկա ամիսներին կհայտարարվի ֆոնդի բացման մասին:
«Մեր ցանկությունն է հնարավորինս հայկական ընկերություններին տրամադրել ֆինանասվորումը»,- նշեց նախարարը:
Նա հավելեց՝ առաջիկայում ֆոնդի ծավալներն ընդլայնելու պլաններ կան։
Կարինե Տերտերյան
